Аҕыйах хонуктааҕыта, Өксөкүлээх Өлөксөй аатынан норуоттар доҕордоһууларын дьиэтэ, А.Г. уонна Н.К. Чиряевтар ааттарынан Дьокуускайдааҕы национальнай гимназия уонна Баһылай Манчаары аатынан национальнай успуорт көрүҥнэрин киинэ оскуола үөрэнээччилэрин икки ардыларыгар хабылыкка уонна хаамыскаҕа күрэхтэһии ыыттылар. Тэрээһин Саха АССР төрүттэммитэ 100 сылыгар аналлаах буолла.
Быйылгы күрэхтэһиини Өксөкүлээх Өлөксөй аатынан норуоттар доҕордоһууларын дьиэтигэр ыыттылар. Саха төрүт остуол оонньууларын көрүҥнэрин Дьокуускай куорат 15 оскуолатыттан 81 үөрэнээччи кыттыыны ылла.
Түмүккэ кыайыылаахтар ааттара билиннэ:
1 миэстэ — Дьокуускай куораттааҕы национальнай гимназия.
2 миэстэ — Саха гимназията.
3 миэстэ – Айыы Кыһата уонна №5-х орто оскуола.
Өксөкүлээх Өлөксөй аатынан норуоттар доҕордоһууларын дьиэтин пресс-сулууспата сырдатыытыттан
Тарҕат:
