Муус устар 29 күнүттэн ыам ыйын 9 күнүгэр диэри, Москуба куоракка XVIII Аан дойдутааҕы үнкүү олимпиадатын чэрчитигэн, «Кубок России» профессиональнай үҥкүү күрэҕэ буола турар. Манна 70 дойдуттан 60 көрүҥҥэ 36500 кыттааччы кыттыыны ылла.
«Диаданс» спортивнай-акробатическай устуудьуйа оҕолоро Саха сиригэр «Саха сирин кубога» күрэххэ кыайыылааҕынан буолан, бу Арассыыйатааҕы күрэхтэһиигэ кыттар чиэскэ тиксибиттэрэ. Кинилэртэн «Кубок России» профессиональнай үҥкүү күрэҕин юниордарга «Акробатическай этюд» диэн көрүҥэр Марина Сергеева уонна Вика Игнатьева 1 миэстэни ыллылар. Онон, кыргыттар «А» үрдүкү категорияны ылары ситистилэр. Салайааччылара - Айгуль Аширбекова.
Биир дойдулаахтарбытын үрдүк ситиһиилэринэн эҕэрдэлиибит!
