Киир

Киир

Коронавирус инфекцияттан эмтэнэргэ антибиотиктар туһалыыллар дуо?

Антибиотиктар бактыарыйалаах инфекцияны эмтииргэ эрэ анаммыттар. Вирустан көмөлөспөттөр. Саҥа коронавирус – вирус биир көрүҥэ, онон коронавируснай инфекцияны эмтииргэ, эбэтэр харыстанарга антиботиктары туһаммат ордук.

         Коронавирус сыстарыттан туустаах суурадаһынынан муруну ыраастыыр көмүскүө дуо?

Суох. Туустаах суурадаһын саҥа коронавируснай инфекцияттан көмүскүүрүн туһунан науканан дакаастана илик. Бу ньыма ордук тымныйыыга көмөлөһүөн сөп. Ол эрэн туустаах суурадаһын респираторнай инфекцияттан харыстыырын, көмөлөһөрүн туһунан дакаастабыл суох.

 Саҥа коронавирус аҕа саастаах дьоҥҥо эрэ сыстыан сөбө кырдьык дуо? Эбэтэр  ыччат, оҕо эмиэ хаптарыан сөп дуу?

Саҥа коронавируһунан (COVID-19) ким баҕар ыалдьыан сөп. Аҕа саастаах дьон уонна тыҥа, тирии, сүрэх ыарыытынан ыалдьар дьон коронавируснай инфекция ыарахан көрүҥүнэн ыалдьыахтарын сөп. Бүтүн Аан дойдутааҕы доруобуйа харыстабылын тэрилтэтэ иһитиннэрэринэн, сыстыганнаах ыарыынан ыалдьыбат туһугар ыраастык туттуохха, ол эбэтэр илиини элбэхтэ суунуохха, сөтөллөргө илиинэн бүөлэниэххэ, аналлаах салпыакканы туттуохха наада.

                                  Коронавируһунан дьиэ кыылларыттан сутуллуохха сөп дуо?

Бүгүҥҥү күҥҥэ сытыы респираторнай ыарыыны көбүтэр коронавирус 7 көрүҥэ баара биллэр. Олор истэригэр коронавирус саҥа көрүҥэ – COVID-19. Коронавируснай инфекция төрдүнэн кыыллар, ол эбэтэр куоскалар, ыттар о.д.а. дьиэ кыыллара буолар кыахтара суох. Доруобуйа харыстабылын Аан дойдутааҕы тэрилтэтин көрдөрүүтүнэн, куоскалар уонна ыттар саҥа коронавируһунан ыалдьыбыттара уонна кыыллар COVID-19 вируһу тарҕаппыттара бэлиэтэммэтэх.

ulus.media/

Тарҕат:

Санааҕын суруй