Киир

Киир

Дьокуускай куорат баһылыга нормативнай-быраап аахтарыгар уларыйыылары киллэрэргэ соруйда.

Евгений Григорьев билиҥҥи кэм туругунан куоракка арыгы атыытын хартыынатын учуоттаан баран, аһыы утах атыылыыр маҕаһыыннары социальнай тэрилтэлэртэн тэйитэн биэрэргэ этии киллэрдэ, диэн уокуруктааҕы дьаһалта пресс-сулууспата иһитиннэрдэ.

Иһитиннэриигэ бэлиэтэнэринэн, нормативнай-быраап аахтарыгар киирэр уларыйыылар, куоракка арыгы атыылыыр туочукалары лаппа аҕыйатар кыах биэриэхтэрэ.

«Бүгүҥҥү күннээххэ куоракка 800 кэриҥэ алкомаркеттар уонна маҕаһыыннар аһыы утаҕынан эргинэллэр, букатын хас хардыы аайы ыстылар диэн куорат олохтоохторо сөпкө уордайаллар. Бу маннык эбийиэктэри дьон-сэргэ тоҕуоруһар сирдэриттэн лаппа ыраатыннарар боппуруоһу көрөргүтүгэр көрдөһөбүн. Бу дьаһал олоххо киирдэҕинэ хас эбийиэк үлэтэ тохтуурун ааҕан таһаарарга», - диэн тоһоҕолоон туран эттэ Григорьев бэс ыйын 28 күнүгэр уопсай куораттааҕы мунньах кэмигэр.

Боппуруос быһаарыллыытын хонтуруолга ылла куорат баһылыгын экономикаҕа уонна финансаҕа солбуйааччыта Георгий Гаврильев.

Тарҕат:

Санааҕын суруй

Бүтэһик сонуннар