Быйыл күһүн өрүс саҥа тураатын кытта “Тойота Пробокс” массыынанан Дьокуускайтан Аллараа Бэстээххэ диэри өрүһүнэн дьону туораппыт суоппары икки сылга диэри хаайыахтарын, көҥүлүн быһыахтарын сөп. Ол туһунан СӨ борокуратуурата суруйар.
Санаттахха, холуобунай дьыаланы Силиэстийэлиир кэмитиэт тэрийбитэ. Суоппар киһи олоҕор эбэтэр туһанааччылар доруобуйаларыгар куттал суох буолуутун ирдэбилигэр эппиэттээбэт өҥөнү оҥоруу иһин ыстатыйанан, РФ холуобунай кодексын 238 ыстатыйатын 1 чааһынан буруйданар.
Силиэстийэ суруйарынан, суоппар Өлүөнэ мууһа халыҥыы илигин, өрүһү туоруур көҥүллэммэтин билэ-билэ туораабыт. Ол тахсан иһэн, Аллараа Бэстээххэ ГИБДД иниспиэктэрдэригэр түбэспит. Ити – сэтинньи 20 күнүгэр этэ.
