Кулун тутар 1 күнүгэр эрэгийиэннэр икки ардыларынааҕы «Стройиндустрия Севера. Энергетика. ЖКХ» диэн Дьокуускайга бэлиэр 20-с төгүлүн ыытыллар дьоһуннаах быыстапка аһыллыа. Бу быыстапкаҕа кэлэн, эһиги тутуу салаатыгар киирбит сонун уларыйыылары, аныгы технологиялары билсиэххит. Тустаах эйгэҕэ үлэлэһээччилэр туһалаах билиини сомсон, уопут атастаһан төннүөххүт. Ону тэҥэ тутуу салаатын туругун, тутулун тус үлэлэһэ сылдьааччылартан сирэй билсэр, ыйытаһалар кыах бэриллэр.
Тутуу быыстапкатыгар хас сыл аайы Арассыыйа араас эрэгийиэннэриттэн бэрэстэбиитэллэр кэлэн кытталлар. Быйылгы тэрээһин тутаах тиэмэтэ – тас дойдулартан киирии тэриллэрин олохтоох оҥоһуунан солбуйуу, экспонент-кыттааччылар оҥорон таһаарыыларын кыамтатын, кыаҕын көрдөрүү, билиһиннэрии, олохтоох оҥорон таһаарыыны сайыннарыы уонна саҥа суоллары тобулуу буолуоҕа.
Быыстапкаҕа бэйэлэрин үлэлэһэр хайысхаларыгар үрдүк таһымнаах, идэтийэн дьарыктанааччылар кытталлар. Ол курдук:
Мас дьиэни тутааччылартан бэлэм оҥоһуллубут бырайыактары, араас моһуоннаах тутуулар көрүҥнэрин, инженернэй коммуникация, дьиэ иннин (фасад) оҥоруу, тупсарыы ньымаларын, дьиэни сылытыыга туттуллар матырыйааллары билсиэххит. Уотунан барар уонна диисэл генератордары, анал тиэхиниьикэ саппаас чаастарын, шиналары, сыбаайа олордуллар сирин үүттүүр установкалары көрөр-билсэр, сэргии көрбүккүтүн атыылаһар кыах бэриллэр.
Ону таһынан эрэгийиэннэр бэрэстэбиитэллэрэ олус интэриэһинэй моһуоннаах дьоҕус, декоративнай мастары (топиари), уоттаах, сырдыыр фигуралары, ол иһигэр дойду Саҥа дьыллааҕы тутаах харыйатыгар туттуллубут көрүҥнэри, көрдөрүөхтэрэ.
Өрөспүүбүлүкэ дьоҕус тэрилтэлэрэ бэлэмниир былаастык емкостарын, бассейннарын, септиктэрин уонна да тын полимертан оҥоһуктарын көрдөрүөхтэрэ.
Оттон улахан тэрилтэлэр дьон олороругар сөптөөх уонна бырамыысыланнай суолталаах тутуулар систиэмэлэригэр, дьиэ эркинин сылытыыга туттуллар быыска (перегородка) барсар тимирдэри билиһиннэриэхтэрэ.
Ороскуоту учуоттуур, кэмниир прибордары оҥорор Арассыыйа тэрилтэтэ итинник тастан киириини солбуйар хаачыстыбалаах, эрэллээх олохтоох оҥоһуктары көрдөрүө.
Быыстапка чэрчитинэн тутууга сыһыаннаах сэминээрдэр, төгүрүк остуоллар, маастар-кылаастар ыытыллыахтара. Тутуу тэрилтэлэригэр баар бакаансыйалар дьаарбаҥкалара былааннанар.
Кэлиҥ, сылдьыҥ, туһаныҥ! Киириитэ – босхо!
Эһигини кулун тутар 1-3 күннэригэр күүтэбит.
Аадырыспыт: Дьокуускай к., «МОДУН» СК, Киров аат. уул., 20/1, 2-с этээһэ.
Этиилэргитин тэрийэр кэмитиэт 8 (4112) 42-24-02 нүөмэригэр күүтэбит.
kyym.ru
