Бэс ыйын 5 күнүгэр киэһэ Мэҥэ Хаҥалас улууһун Майа бөһүөлэгэр Степанов уулуссатыгар турар элбэх кыбартыыралаах дьиэ умайда. Ол түмүгэр икки киһи өлбүтүн туһунан РФ МЧС Саха сиринээҕи салаата иһитиннэрэр.
Бастакы баһаарынай этэрээтэ кэлэрин саҕана, дьиэ тас бүрүөһүнэ барыта умайа турара эбитэ үһү. Уот турбут дьиэтиттэн 40-ча киһини куоттарбыттар. Түөрт киһи эмсэҕэлээбит, ол иһигэр биир оҕо.
Дьиэттэн икки дьахтар өлүгүн булбуттар. Биирэ – 1945 сыл төрүөх, иккиһэ – 1951 сыл төрүөх.
Барыллаан ааҕыынан, уот барыта 825 квадратнай миэтэрэ иэннээх сири сиэбит. Миэстэтигэр өрөспүүбүлүкэтээҕи баһаарынай сулууспа исписэлиистэрэ үлэлииллэр. Баһаары умулларарга 26 киһи уонна биэс тиэхиньикэ үлэлээбит.
Бэй.кэр.
Хаартыска: МЧС Саха сиринээҕи салаата.
