Дьокуускайга “Азия оҕолоро” норуоттар икки ардыларынааҕы оонньуу ыытылларынан, Росгвардия Саха сиринээҕи управлениетын бары үлэһиттэрэ күүһүрдүллүбүт эрэсииминэн үлэлииллэр.
Росгвардия үлэһиттэрэ уонна байыаннай сулууспалаахтара өрөспүүбүлүкэ атын силовикторын кытта уопсастыбаннай бэрээдэги, дьон-сэргэ олоҕор куттал суоһаабатын кыраҕатык маныахтара.
“Бизон” ОМОН миинэни суох кынар бөлөҕүн исписэлиистэрэ ИДьМ кинологтарын кытта Оонньуу ыытыллар бары эбийиэктэрин чинчийэллэр. Анал хамыыһыйалары, тустаах уорганнары кытта террортан көмүскэллээх буолуу бэрэбиэркэтин ыытыллар, успуорт эбийиэктэригэр харабыллыыр-маныыр тэхиниичэскэй сириэстибэлэри тургуталлар.
Росгвардия саа лиссиэнсийэтин-көҥүлүн биэрэр киинин иниспиэктэрдэрэ саалаах-сэптээх дьону эбии бэрэбиэркэлииллэр, сэрэхтээх буолуу миэрэлэрин быһаараллар. Оонньуу кэмигэр бэрээдэги көрүүгэ кыттыһар чааһынай харабыллыыр тэрилтэлэр үлэһиттэригэр быһыы-майгы сытыырхайар, көһүтүллүбэтэх түгэн үөскүүр кэмигэр хайдах дьаһанарга эбии инструктажтары ыыталлар.
Күрэхтэһии уонна онуоха сыһыаннаах тэрээһиннэр буолар түһүлгэлэрин байыастар-үлэһиттэр күнүстэри-түүннэри маныыллар.
Росгвардия Саха сиринээҕи салаатын пресс-сулууспата.
