Билиҥҥи олоххо киһи киһиэхэ истиҥ-иһирэх сыһыана кэмчи буолар, ыалдьар ыарахан кэмҥэр, күн киһититтэн көмө көрдөһөр түгэҥҥэр, абырыыр, амарах санаалаах маҥан халааттаах аанньалларбыт – быраастарбыт, дуоктардарбыт хирурдарбыт буолаллар.
Битэмиинэ, иҥэмтэтэ суох араас ас, консерван доруобуйаны айгыраталлар. Ол да иһин үгүс киһи атаҕынан моһуогуран, сүһүөҕэ, тобуга ыалдьарын бары даҕаны өйдөөн көрөргүт буолуо. Түөрэҥнээн, бэрт эрэйинэн хаамалларын. Күн-дьыл уларыйыыта кытта дьарҕаҕа дьайар. Сүүрэр, хаамар кыаҕа суох дьон элбэх.
Хата, биһиги дьолбутугар бэйэбит өрөспүүбүлүкэбит 2-с нүөмэрдээх балыыһатыгар ортопедия салаата аһыллан, үгүс киһи эпэрээссийэлэнэн, протез оҥорторон абыранна. Түүннэри, күннэри эпэрээссийэ оҥорор, олус ыарахан үлэлээх ортопедия хирурдара дьон туһугар тохтоло суох, бэриниилээхтик үлэлииллэр.
Онон биһиги ыарахан ыарыыттан быыһыыр үтүө санаалаах эмчиттэрбитигэр: ортопед хирурдарбытыгар Пальшин В.Г., Комиссаров А.Н., Никифоров А.И., Мордосов А.Н., Никитин А.А., Потапов П.Е., анестизиологтарбытыгар, сиэстэрэлэрбитигэр, бу салаа бары үлэһиттэригэр барҕа махталбытын тиэрдэбит уонна кэлэн иһэр саҥа дьылынан эҕэрдэлиибит!
Чэпчэкитэ суох сыралаах үлэҕитигэр ситиһиилэри, табыллыыны баҕарабыт! Дьон-сэргэ махталын, тапталын ыла туруҥ! Тус олоххутугар дьоллоох буолуҥ!
Махталы кытта Любовь Никитина, Лидия Оконешникова, Саргылана Слепцова, Наталья Стрекаловская, Марфа Донская, Галина Максимова.
Ааспат атах ыарыыта,Түүн утуппат кыһыыта.Харахпыт уута ыгылланЫгар иэдээн ыарыытынЫлҕаан ылан быыһаабытКүндү маҥан халааттаахАанньал курдук дьоннорго,Эйэҕэс кыһамньылаахСайаҕас эмчиттэргэСүгүрүйэн тураммытМахталбытын аныыбыт,Үөрүүбүтүн тиэрдэбит!Хандала курдук туппут,Хам ылбыт хара дьайтан,Ыга туппут ыарыытынЫарахан адаҕатынТөлөрүтэн босхолоон,Олох суолун устунанЧиҥник үктүүр оҥорон,Үтүөрдэҥҥит хаамтаран,Кынаттааҥҥыт ыыттыгыт.Махтал, махтал эһиэхэ,Эмтээн быыһыыр аналлаахЭмчит мааны дьоннорбор!Тапталаана
