Ахсынньы 26 күнүгэр Кадеттар оскуолаларын саҥа дьиэтигэр буолбут Ил Дархан пресс-кэмпириэнсийэтигэр тутулларын тутуллан баран, кэлин көрүүтэ-истиитэ, үбүлээһинэ суох турар дьон-сэргэ сылдьар уопсастыбаннай сирдэрин, пааркаларын, искибиэрдэрин, кытылларын, болуоссаттарын, о.д.а. туһунан сурастылар.
– Ити – олохтоох бэйэни салайыныылар быһаарыахтаах кыһалҕалара. Өскөтүн эн болуоссат дуу, искибиэр дуу тутан биэрэллэрин көрдөһөр буоллаххына, кэлин ону хайдах көрөр-истэр туһунан эмиэ саныахтааххын. Ол туһунан баһылыктарга мэлдьи этэбин. Өрөспүүбүлүкэ бүддьүөтэ ону-барытын хааччыйар кыаҕа суох, кини уунар-кэҥиир эрэһиинэ буолбатах. Дьиҥэр, сорох улуус кииннэрэ ити боппуруоһу олус үчүгэйдик быһааран олороллор. Кинилэр уопсастыбаннай сирдэр үлэҕэ киирэттэрин кытта, тута дьоҕус урбаанньыттары, холобур, кафелаах, тугу эрэ харчыга уларсар (прокаттыыр) тэрилтэлэри, ыҥыран үлэлэтэллэр. Уопсастыбаннай сирдэри бэйэлэрин киэнигэр даҕата кинилэр көрөллөр-истэллэр. Оннук холобурдар өрөспүүбүлүкэбитигэр бааллар. Мин санаабар, салгыы да оннук үлэлиэххэ наада, – диэн Айсен Сергеевич быһаарда.
Бэй.кэр.
