2025 сыл от ыйын 15 күнүгэр Саха АССР үтүөлээх геолога, сир баайын разведкатын туйгуна, геология-минералогия билимин кандидата Георгий Дмитриевич Балакшин олохтон барда. Дириҥ кутурҕанын “АЛРОСА” АХ (ПАО) генеральнай дириэктэрэ – бырабылыанньа бэрэссэдээтэлэ Павел Маринычев тиэрдэр.
Убаастабыллаах Марина Георгиевна, Ирина Георгиевна, Дмитрий Георгичевич уонна Георгий Дмитриевич дьиэ кэргэнэ, аймахтара, чугас дьоно!
АЛРОСА хампаанньа тыһыынчанан үлэһиттэрин уонна тус бэйэм ааппыттан чугас киһибит, Саха сирин биллэр уопсастыбаннай диэйэтэлэ, Саха АССР үтүөлээх геолога, Арассыыйа геологоразведчиктарын Бочуоттаах бэтэрээнэ
Георгий Дмитриевич Балакшин
Орто дойду олоҕуттан барбытынан дириҥ кутурҕаммытын тиэрдэбит.
Биллиилээх учуонай, тэрийээччи уонна таһыччы дьоҕурдаах киһи дойду геологоразведкатын сайдыытыгар сүдү кылааттаах. Кини олоҕун үгүс сылын алмаас бырамыысаланнаһыгар анаабыта. Алдан щиитигэр 2, Анаабыр оройуонугар 80 кимберлит туруупкатын арыйбыта. Кимберлит туруупкаларын көрдүүргэ саҥа геофизическай ньымалары, технологиялары киллэрбитэ. Ол түмүгэр Юбилейная, Краснопресненская, Дачная курдук алмаастаах улахан сирдэр арыллабыттара. 1998-2018 сс. АЛРОСА геологоразведочнай эспэдииссийэлэригэр сүрүн геофизик быһыытынан сир баайдаах сирдэр эбийиэктэрин лиссиэнсийэлэрин ылыы, геологическай сорудахтар үлэлэрин ыытыы, алмаастаах сири көрдүүргэ анаммыт бырайыактары олоххо киллэрии, отчуоттары оҥоруу боппуруостарын ситиһиилээхтик быһаарсыбыта.
Георгий Дмитриевич Балакшин геологоразведкаҕа уһулуччу кылаата үгүс судаарыстыбаннай наҕарааданан, бириэмийэнэн уонна бочуоттаах аатынан бэлиэтэммитэ. 2023 сыллаахха кини аата хампаанньа хостообут дэҥҥэ көстөр, 59,74 караттаах алмааһыгар иҥэриллибитэ.
Киэҥ билиитинэн-көрүүтүнэн, баай уопутунан уонна ураты тэрийэр талаанынан геологразведчик идэлээхтэрин ортолоругар, ону ааһын бүттүүн Саха сирин олохтоохторугар дириҥ убаасталынан сыаналанара. Үтүө киһи олохтон баран Саха сирэ, АЛРОСА хампаанньа ыар сүтүктэннэ.
АЛРОСА кэллэктиибэ Георгий Дмитриевич доҕотторун, кэллиэгэлэригэр дириҥ кутурҕанын тиэрдэр. Кини туһунан сырдык өйдөбүл геологоразведка устуоруйатыгар, биһиги сүрэхпитигэр мэлдьи баар буолуоҕа.
Дириҥ кутурҕаммытын тиэрдэн туран, ыар аһыыгытын тэҥҥэ үллэстэбит...
