Муниципальнай электроннай атыылаһыы салалтата Дьокуускай куорат Окружной администрациятын Урбааннааһыҥҥа, туһанааччы ырыынагар уонна туризмы сайыннарыыга Департамены кытта тэҥҥэ эһигини 2025 сыл сэтинньи 21 күнүгэр буолуохтаах: «Закупки. Диалог с бизнесом. Оыт и перспективы» диэн семинарга ыҥыраллар. Семинар 9:00 чаастан 12:30 чааска диэри Дьокуускай куорат Окружной администрациятын «Столица» саалатыгар, Ленин проспега, 15, 2-с этээс аадырыска ыытыллыаҕа.
Семинарга саҥа «Витрина закупок города Якутска» платформа билиһиннэриллиэҕэ – бу регион бизнеһигэр судаарыстыбаннай уонна коммерческай ырыынакка атыылааһын саҥа ханаала.
Бу Саха Өрөспүүбүлүкэтин олохтоох табаар оҥорооччуларыгар, креативнай экономикаҕа үлэлиир урбаанньыттарга, ону таһынан Арассыыйа Бырабыыталыстыбатын 2013 сыл ахсынньы 26 күнүнээҕи №1292 уурааҕар олоҕуран, УИС тэрилтэлэрэ уонна предприятиелара оҥорор табаардарын кытта түргэн уонна табыгастаах дуогабардары түһэрсиигэ аналлаах соҕотох платформа.
Семинар бастакы блогар платформа презентацията, регистрацияланар ньымалар, бизнескэ аналлаах кыахтар уонна маннык ыйытыыларга хоруйдар бэриллиэхтэрэ:
- бэйэни интэриэһиргэтэр сакааһы хайдаҕынна булабыт;
- туһанааччы сыанатын хайдаҕынна угабыт;
- тус наадаҕа сакааһы оҥорон, бородууксуйаны хайдаҕынна атыылаһабыт;
- атыыны оҥорон, сделканы оҥорон, дуогабары хайдаҕынна түһэрсэбит.
Семинар иккис блогар РТС-тендер электроннай атыы-эргиэн площадкатын (ЭТП) холобурунан электроннай көрүҥүнэн ыытыллар баайга-дуолга атыы-атыылааһыннар тустарынан, урбаанньыттар ханнык атыыга уонна ханнык усулуобуйанан кыттан дуогабар түһэрсиэхтэрин сөбүн туһунан информация бэриллиэҕэ.
Семинарга регистрацияланан, буола турар событиелары билэ-көрө сылдьыаххытын сөп манна:
https://forms.yandex.ru/u/691acd9595add599d76b5149/
Семинар программата: «Закупки. Диалог с бизнесом. Опыт и перспективы»
|
1. |
9:00-9:30 |
Кыттааччылары регистрациялааһын |
|
|
2. |
9:30-9:50 |
Семинар аһыллыыта |
Муниципальнай электроннай атыылаһын салалтатын начальнига Антонова Светлана Декабриновна |
|
3. |
9:50 – 11:00 |
Саҥа платформаны билиһиннэрии «Витрина закупок города Якутска» |
ЭТП РТС-тендер сүрүн менеджера Колесниченко Артур Павлович |
|
4. |
11:00 – 11:20 |
Онлайнынан дуогабар түһэрсии |
Заказчик + Поставщик |
|
5. |
11:20 – 12:30 |
Баайга-дуолга атыы-атыылааһыннар: бизнеһи сайыннарыыны саҥа ньыманан былаанныыр кыах |
ЭТП РТС – тендер профильнай бырайыактарын сүрүн специалиһа Киященко Виктор Алексеевич |
|
6. |
12:30 |
Кофе-брейк |
Бары ыйытыыларынан бу нүөмэрдэргэ сибээстэһиэххитин сөп: 8(4112)40-88-89, 89142289402.
Дьокуускай куорат Окружной администрациятын Муниципальнай электроннай атыылаһын салалтатын официальнай сайта: https://umz.yakadm.ru
Сонуннары билэ-көрө сылдьаргытыгар биһиги социальнай ситимнэргэ суруйтарыҥ: https://t.me/umz_oa, https://vk.com/umzyakutsk
