Бэҕэһээ Дьокуускай куоратынан хааман иһэн бэрт сэргэх, сонун сахалыы ааттаах саҥа кафе арыллыбытын таба көрдүм. Сонурҕаан, киирээччи буоллум.
Меню ыйытан, туох астаахтарын көрөн, эбии сэргэхсийдим. Холобур, “Аччык Манчаары”, “Чоочо баай”, “Айуу-чэ”, “Боотур уонна Куо”, “Ичигэс”, “Олоҥхо”, “Тыгын” уонна да итини маарынныыр ааттардаах бүлүүдэлэр бааллар эбит. Омук тылынан ааттаммыттара да биир оччо.
Тот сылдьар буолан, тугу да амсайбатым. Саатар, ол “Аччык Манчаарыбыт” ырысыабын ааҕан тугу да өйдөөбөтүм – “Саха классик, фрайс BBQ, фри, кола 0,3” диэн суруйбуттар. Онтон “Чоочо баай” диэҥҥэ “Эттээх, Саха чиз, Фрайс колбаски, соус “Айуу”, соус чесночный, кола 0,5 – 2 шт.” диэн сырдаппыттар. Тугун-ханныгын салгыы токоолоһо сатаабатым.
Чэ, ол да буоллар, тэрилтэлэрин, аһылыктарын сахалыы ааттаабыттара махталлаах.
Александр ИЛЬИН-ЕГОРОВ,
Этот адрес электронной почты защищён от спам-ботов. У вас должен быть включен JavaScript для просмотра.
