Дьокуускайга биллэр тустуук, Олимпиада оонньуулурун үрүн көмүс, Аан дойду Куубагын, Дьобуруопа чөмпүйэнээтин призера, ССРС хас да төгүллээх чөмпүйүөнэ, ССРС успуордун үтүөлээх маастара, Саха АССР үтүөлээх тириэньэрэ Александр Николаевич Иванов үбүлүөйдээх 75 сааһын бэлиэтиир уопсастыбаннас дьоро тэрээһинэ буолан ааста.
Кини олоҕо – кыайыы чаҕылхай летопиһа, успуорка уонна төрөөбүт Сахатын сиригэр эҥкилэ бэринии холобура. Александр Иванов – ССРС хас да төгүллээх чөмпүйүөнэ, Дьобуруопа, Аан дойду Куубагын призера уонна Олимпиада оонньууларын үрүҥ көмүс призера.
Итинник чыпчааллары киһи эрэ ситиспэт. Кини успуорт карьератын бары чыпчаалларын чиэстээхтик дабайбыта, ССРС успуордун үтүөлээх маастара ааты ылыан ылбыта.
Бары алмаасчыттар уонна тус бэйэтин аатыттан үбүлээри АЛРОСА генеральнай дириэктэрэ, Арассыыйа Массыына тутааччыларын сойууһун бүрүөтүн чилиэнэ Павел Маринычев эҕэрдэлээтэ. Кини Александр Иванов Олимпиада кыайыытын сөҕөрүн-махтайарын, киэн туттарын эттэ.
“Эн кыайыыҥ аан дойдуга Уһук Хотуги сир тыйыс айылҕатыгар үөскээбит спортсменнар ураты күүстээх санаалаахтарын, уһулуччу тулуурдаахтарын уонна дьиҥнээх чөмпүйүөннүү майгылаахтарын көрдөрбүтэ. Эн Саха сирэ саамай үрдүк чычпааллары дабайар кыахтаах талааннар уһаарыллан тахсар сирдэрэ буоларын дакаастаабытыҥ”, – диэн кини бэлиэтээтэ.
Александр Николаевич тириэнэр быһыытынан элбэх талааны арыйарга көмөлөспүтэ. Кини чиэс-суобас уонна күүс-күдэх бириинсиптэригэр иитиллэн тахсыбыт выпускниктара билигин өрөспүүбүлүкэбит аатын-суолун Арассыыйа уонна аан дойду түһүлгэлэригэр баҕардаллар. Александр Иванов “Мой путь” диэн бэйэтин олоҕун олоҕун туһунан сэһэргиир автобиография кинигэтэ ураты суолталаах, кэлэр кыайыылар тустарыгар ураты кылаас буолар.
“Эн күн бүгүн даҕаны күндү билиигин уонна баай уопуккун үүнэр көлүөнэлиин үллэстэ сылдьаргын көрөн үөрэбит. “Александр Иванов. Мой путь” кинигэ күн сирин көрүүтэ – кэнэҕэһин чөмпүйүөн буола үүнэн тахсыахтаах ыччат дьоҥҥо үтүө бэлэх. Мин бу кинигэ ыччаты үрдүк кирбиилэри, улахан ситиһиилэри дабайарга үөрэтэр босуобуйа буолуо диэн эрэнэбин. Оттон кини тус быыстапкатын арыллыыта кини талаана элбэх өрүттээҕин туоһулуур. Айымньылаах үлэ көмөтүнэн эн дьону кынаттыыгын, түмэҕин, кинилэргэ эрэли саҕаҕын. Эн саха успуордун сайдыытыгар киллэрбит кылаатыҥ тугунан да кэмнэммэт сүдү дьыала”, – диэн АЛРОСА генеральнай дириэктэрэ, Арассыыйа массыына тутааччыларын Бүрүөтүн силиэнэ Павел Маринычев эттэ.
Александр Иванов 75 сааһын бэлиэтиир үбүлүөйдээх тэрээһиннэри “Мой путь” кинигэ сүрэхтэниитэ салгыаҕа уонна кулун тутар 15 күнүгэр көҥүл тустууга Саха өрөспүүбүлүкэтин сүүмэрдэммит хамаандата Бүрээтийэ уонна Монголия тустууктарыныын көрсүһүүтүнэн түмүктэниэҕэ.
АЛРОСА пресс-сулууспата
