БҮГҮН ОҔО КӨМҮСКЭЛИН КҮНЭ.
Оҕо диэн төрөппүккэ, норуокка, судаарыстыбаҕа, аан дойду олоҕор-дьаһаҕар туох оруоллааҕын бука бары билэбит. Таҥараианство оҕо көмүскэлигэр уонна оҕону кытары сибээстээх боппуруостарга туспа көрүүлэрдээх.
Олор манныктар:
1. Оҕону түһэттэрии, өскөтүн ол төрүүр дьахтарга оҕолоноро кутталлаах эрэ буоллаҕына быраас этиитинэн түһэттэрэр түбэлтэлэриттэн ураты, киһини өлөрүү курдук сыаналанар уонна ыар аньыы быһыытынан ааҕыллар.Кэргэннии дьон оҕону түһэттэрэр буоллахтарына, оҕо аҕата эбэтэр булумньу аҕа - эр киһи эмиэ ыар аньыыны сүгэр.Ити аньыы тугунан да суураллыбат.
2. Эт-хаан, өй-уйулҕа өттүнэн чэгиэн киһи - дьахтар даҕаны, эр да киһи, сулумах буолара улахан аньыы.
3. Хас биирдии ыал 3-тэн итэҕэһэ суох оҕолоох буолуохтаах. оҕото суох эбэтэр 1-2 эрэ оҕолоох буоллахтарына 3-с оҕолонуохтарыгар эбэтэр 1 оҕону эбии ииттэ ылыахтарыгар диэри аньыы ааҕыллар уонна өссө холостуой нолуогун төлүөхтээхтэр. ол харчы оҕо дьиэтин көрүүгэ туттуллар ороскуоту сабыыга барыахтаах.
4. Оҕолонор кыаҕа суох ыал 3-тэн итэҕэһэ суох оҕону ииттэн атаҕар туруоруохтаахтар.
5. Оҕолоох ыал Ийэлэрэ дуу Аҕалара дуу оҕолорун быраҕан арахсан барара улахан аньыынан ааҕыллар.
6. Оҕото суох, оҕо ииппэт дьон оскуола директорынан, үрдүкү салайар үлэҕэ үлэлиэ, депутатынан талыллыа суохтаахтар.Ол төрүөтэ - оҕолоро, сиэннэрэ суох буолан итинник дьон оҕолоох дьон олоҕун билбэттэр уонна о5олоро-сиэннэрэ олорбот ханнык эрэ норуот инники кэскилигэр улаханнык кыһамматтар, тус бэйэлэрин эрэ туһугар үлэлииллэр.
Таҥараианство бу көрүүлэрин итэҕэйээччилэрэ тутуһар буоллахтарына оҕолорбут дьиҥ көмүскэллээх буолалларыгар блачча көмө буолуо этэ.
