“Ситим” медиа-бөлөх генеральнай дириэктэрэ Мария Христофорова: “Биһиги Саха сиригэр национальнай бэчээт күнэ олохтонорун туруорсубуппут ыраатта. Билигин бу боппуруос өрөспүүбүлүкэ салалтатын көрүүтүгэр сылдьарынан быһаарылларыгар баҕарабыт. Ол иһин биһиги от ыйын саҕаланыыта биир идэлээхтэрбитин муһан үлэбитин-хамнаспытын, инники былааммытын ырытыһыахпыт уонна сахалыы суруналыыстыка балаһыанньатын уонна кэскилин дьүүллэһиэхпит. Онно анаан “Уһун Дьурантаайы-2019” диэн күрэс биллэрдибит. Биир идэлээхтэрбитин көхтөөхтүк кыттаргытыгар ыҥырабыт. Сахалыы тыллаах суруналыыстыка сайдыылаах буоллун! ”
Саха бэчээтин күнүгэр аналлаах сахалыы суруйар суруналыыстар куоҥкурустарын
балаһыанньата
- Сүрүн анабыла. СӨ суруналыыстарын сойууһа, Арассыыйа национальнай бэчээтин Ассоциацията уонна СӨ култууратын үлэһиттэрин боропсойууһа саха тылынан суруйар суруналыыстар ортолоругар көҥүл тиэмэҕэ суруналыыстыка жанрдарынан:
“Бастыҥ кэпсээччи”(отчуот, репортаж, кэмэнтээрий, чинчийии);
“Бастыҥ кэпсэтээччи”(интервью, монолог, диалог);
“Бастыҥ дьүһүйээччи” (очерк, зарисовка, эссе);
“Бастыҥ эҕэһит” (фельетон, памфлет);
“Бастыҥ ирдьит” (суруналыыс силиэстийэтэ, ирдэһии)
“Бастыҥ суоллааҕы бэлиэтээһин”
“Бастыҥ ырытааччы” (ыстатыйа, ырытыы, рецензия);
“Бастыҥ анаарааччы” (аналитика ыстатыйата, анаарыы) диэн номинацияларга аһаҕас куоҥкуруһу биллэрэр. Хас биирдии номинация I, II, III миэстэлэрдээх.
Күрэхтэһээччи хас да жанрга кыттара көҥүллэнэр.
- Cоруга
- Саха суруналыыстыкатын жанрдарын байытыы, айар тыл кутун, саха тылын баайын, кэрэтин сахалыы бэчээт, интэриниэт эйгэтигэр киэҥник тарҕатыы, ааҕааччылар болҕомтолорун тардыы.
- Сахалыы үрдүк уус-уран таһымнаах, иитэр-үөрэтэр, суолталаах, сахатылын, култууратын, сиэрин-туомун пропагандалыыр, нэһилиэнньэни айымньылаах, ситиһиилээх үлэҕэ, чөл олоххо көҕүлүүр, ыҥырар позитивнай суруйуулары элбэтии.
- Суруналыыстыка умнуллан эрэр жанрдарыгар болҕомтону тардыы.
- Суруналыыстар суруйар маастарыстыбаларын үрдэтии.
- Саҥа талааннары булуу.
- Киирэр үлэҕэ ирдэбил
- Куоҥкуруска 2018 с. ыам ыйын 1 күнүттэн 2019 с. бэс ыйын 1 күнүгэр диэри өрөспүүбүлүкэ, улуус, нэһилиэк бэчээтигэр, интэриниэт ситимигэр тахсыбыт үлэлэр тутуллаллар.
- Үлэлэри туттарарга кыттар жанрдарынан тус-туһунан паапкаҕа угуллар. Инники лиискэ кыттааччы туһунан кылгас билиһиннэрии баар буолуохтаах. Салгыы куоҥкурус үлэлэрэ: хаһыат, сурунаал балаһалара (куоппуйалар), интэриниэт саайтан бэчээттэммит скриншоттар угуллаллар.
- Үлэни киллэрии
Куоҥкурус үлэлэрин тутуу болдьоҕо: 2019 с. бэс ыйын 10 күнүгэр диэри.
Үлэлэр туттарыллар аадырыстара: 677018, Дьокуускай к., Орджоникидзе аатынан уул., 31, 115 каб. СӨ суруналыыстарын Сойууһа, төл: (4112) 42-09-58
Ыраах сиртэн электроннай почтанан ыытыахха сөп: Этот адрес электронной почты защищён от спам-ботов. У вас должен быть включен JavaScript для просмотра.
- Түмүгү таһаарыы
Кыайыылаахтары быһаарар дьүүллүүр сүбэ састаабын күрэхтэһиини тэрийэр тэрилтэлэр салайааччылара бигэргэтэллэр.
Түмүк 2019 с. бэс ыйын 27 күнүгэр диэри тахсар.
Кыайыылаахтар I истиэпэннээх дипломунан, анал бирииһинэн, миэстэлэспиттэр II, III истиэпэннээх дипломнарынан наҕараадаланыахтара. Саха суруналыыстыкатын сайдарыгар баҕалаах тэрилтэлэр анал биһирэбил бириистэри олохтуохтарын сөп.
Кыайыылаахтары наҕараадалааһын 2019 с. от ыйын 1 күнүгэр Саха бэчээтэ төрүттэммит күнүгэр –үөрүүлээх тэрээһин кэмигэр туттарыллар.
- Быһаарыы
Уһун Дьурантаайы– олоҥхоҕо кэпсэнэр Айыы халлааныгар олорор суруксут. Аҕыс кырыылаах аалыы дьэҥкир таас баҕанатыгарҮрдүк Айыылар ыйаахтарынан аан дойду олоҕун тутулун уонна Орто дойду дьонун дьылҕаларын суруйар.
