Дьокуускайдааҕы гидрометеорология управлениета иһитиннэрэринэн, Өлүөнэ өрүскэ Ленскэй-Ньүүйэ учаастагар ардахтартан сылтаан уу таһыма эмискэ улаатарын кэтииллэр. Уопсайа уу таһыма 2,2-2,6 м үрдээбит.
Маны таһынан, Мача-Хатыҥ Тумул учаастагар уу таһыма Витим уонна Өлүөхүмэ өрүстэртэн ардах уута кирэн 5-45 см үрдүү турар. "Покровскай-Кангаласс аннынан атырдьах ыйын 19-20 күннэригэр уу таһыма аныгыскы нэдиэлэҕэ дылы үрдүүр чинчилээх, уопсайа 30-50 см үрдүөҕэ", - диэн ЯУГМС сэрэтэр. Оттон өрөспүүбүлүкэ атын өрүстэригэр уу таһыма түһэн саҕалаабыт.
