Войти

Войти

СӨ бырабыыталыстыбатыгар тулаайах оҕолору дьиэнэн хааччыйыы бырагыраамма олоххо киириитин бэрэбиэркэлээтилэр. Бу туһунан бырабыыталыстыба пресс-сулууспата иһитиннэрэр.

Вице-премьер Кирилл Бычков муниципальнай тэриллиилэргэ үлэ бытааннык барарын эттэ. Ол курдук, бу сылга тулаайах оҕолорго 114 олорор дьиэ атыылаһыллыбыт уонна 434 дьиэни атыылаһыыга хантараак түһэриллибит. Бүддьүөттэн көрүллүбүт 1,2 млрд солкуобайтан 279 эрэ мөл солк туһаныллыбыт.

Бу социальнай суолталаах олус наадалаах бырагыраамма буолар. Бырагыраамма олоххо киириитэ өрөспүүбүлүкэ салалтатын хонтуруолугар сылдьар. Билиҥҥи үлэ түмүгэ миигин соччо астыннарбат. Тоҕо диэтэххэ, улахан муниципальнай тэриллиилэргэ үлэ мөлтөхтүк ыытыллар. Ол сүрүн төрүөтэ куоҥкурустааһын буолар. Ол аата аукционнар ыытыллыбаттар эбэтэр ыытыллар да буоллахтарына, мөлтөхтүк ыытыллаллар”, – диэн Кирилл Бычков эттэ.

Сүрүн болҕомто Дьокуускай куоракка уурулунна. Ол курдук, 2019 сылга 448 тулаайах оҕо дьиэнэн хааччыллыахтаах. Куорат баһылыгын солбуйааччы Евгений Григорьев сүрүн кыһалҕалары бэлиэтээтэ. Кини этэринэн, саҥа сокуонунан олорор дьиэҕэ тулаайах оҕолор кыбартыыраларын ахсаана 25 % хааччахтаныыта буолар. Ону таһынан, судаарыстыбаннай эспэртиисэлээх эрэ дьиэлэргэ кыбартыыралары атыылаһыы буолар. Оннук дьиэлэр Дьокуускайга 23 % эрэ ылаллар.

Алдан, Амма, Дьааҥы, Бүлүү, Мэҥэ-Хаҥалас, Мииринэй, Муома, Сунтаар, Нерюнгри, Таатта улуустарын (оройуоннарын) баһылыктара ыытыллар үлэ хаамыытын туһунан сырдаттылар. 

Кирилл Бычков мунньах кыттыылаахтарыгар бырагыраамма үлэтин тэтимирдэллэригэр уонна көрүллүбүт үбү бу сылга туһаҕа таһааралларыгар сорудахтаата. Онон, бу сыл түмүктэниэр диэри 500 тахса тулаайах оҕо саҥа дьиэнэн хааччыллыахтарын сөп.

 News.Ykt.Ru

Тарҕат:

Добавить комментарий

Бүтэһик сонуннар