Саха сирин парламена иккис пленарнай мунньахха биир сүбэнэн Кирилл Бычковы бырабыыталыстыба бэрэссэдээтэлинэн бигэргэттэ. Кини кандидатуратын Ил Түмэҥҥэ өрөспүүбүлүкэ аҕа баһылыга Айсен Николаев киллэрбитэ уонна Өлүөнэ күргэтин тутууну салгыы сүрүннүө диэн эппитэ.
«Дуоһунаспар киирээри туран, Ил Дархаҥҥа уонна Ил Түмэҥҥэ итэҕэлгит иһин махтанабын. Маннык дуоһунаска ананыы миэхэ улахан эппиэтинэс уонна чиэс буолар. Саха сирин хас биирдии олохтооҕо дьоллоохтук олорорун уонна инникигэ эрэллээх буоларын туһугар кыһаллыам», – диэн Кирилл Бычков эрэннэрдэ.
Сонун төрдө: СӨ Бырабыыталыстыбатын уонна Ил Дарханын пресс-сулууспата
