Киирии

Киирии

Дьокуускай куорат Лонгинов уулуссатын 88 нүөмэригэр баар “Чороон XXI үйэ” тэрилтэ дириэктэрэ Софья Попова идиэйэтинэн, ааспыт субуотаҕа аныгылыы хайысханан тэриллибит Алгыстаах түһүлгэ Дьокуускай куорат олохтоохторун уонна ыалдьыттарын түмтэ. Сарсыардаттан манна дьон-сэргэ хотоҕостуу субулунна. Бу күн тэрилтэ бэйэтин офиһын 3-с этээһигэр өссө биир саҥа “Ыалдьыт саалатын” арыйда.

Малааһын алгыһын СӨ култууратын туйгуна Александр Саввинов-Алгыстаах Өлөксөөн ыытта. Бу күн бочуоттаах ыалдьыттарынан Сахалар ытык киһибит Федора Кобякова-Эдьиий Дора, историческай наука доктора, профессор Розалия Бравина, норуот хаһаайыстыбатын үтүөлээх үлэһитэ, РФ маастар асчыта Иннокентий Тарбахов, СӨ үөрэҕириитин уонна култууратын туйгуна Афанасий Лопатин буоллулар.

1 Алгыс

Тэрилтэ 3 этээһин былаһын тухары анал хосторунан 9 маастар кылаас үлэлээтэ. Ол курдук, керамикаҕа, чороон иһитигэр ойууну-бичиги түһэриигэ, мас чорооҥҥо оһуору кыһыыга, фарфорга илиинэн ойуулааһыҥҥа, араас матырыйаалтан сувенирдары оҥорууга, куукула таҥаһын тигиигэ, о.д.а. көрүҥҥэ ыытылыннылар.

Бу күн буолбут тэрээһиҥҥэ кыра саастаах оҕотуттан саҕалаан 80-ча саастаах ытык кырдьаҕастарыгар тиийэ 350-ча киһи сырытта. Тэрээһин быдан саҕаланыан инниттэн киһи лыык курдук муһунна.

2 Керееччу элбэ5э лыык курдук мустубут

Оптуобус тохтобулуттан миигин 2 оҕолоох дьахтар ситэн ылан, “Чороон 21-с үйэ” тэрилтэҕэ хайдах тиийэри ыйыталаһан, аргыстастыбыт. Сардаана Дакаярова 34-с №-дээх коррекционнай оскуола учуутала икки иитиллээччитин кытта тэрээһиҥҥэ ааттаан-суоллаан баран иһэллэр эбит. “Керамикаҕа маастар кылаас буолар диэбиттэр. Онно баран иһэбит. Оҕолорум улааттахтарына, баҕар, Саха сирин биллэр керамистара буола үүнүөхтэрэ. Оннук дуо, оҕолор?” диэн ыйыппытыгар, оҕолор барахсаттар сөбүлэһэн төбөлөрүн кэҕиҥнэтэллэр. Дьэ, кырдьык даҕаны, бүгүн көрбүттэрин өйдөрүгэр хатаан, бэйэлэрин илиилэринэн туой буору имири-хомуру тутан араас оҥоһугу оҥорон кэнэҕэски идэлэригэр таптал уота күөдьүйэригэр саарбахтаабаппын.

Чэ, онон саас сааһынан хаартысканан кэпсээммин салгыбакка көрөн ааҕыҥ дуу, күндү ааҕааччыларым...

“Чороон 21 үйэ” тэрилтэ алгыстаах түһүлгэтиттэн

3. Кэлэктиип айар улэьиттэрэ

“Чороон 21 үйэ” тэрилтэ иллээх-эйэлээх айар кэлэктиибэ. Тэрилтэ хайа тэриллиэҕиттэн үлэлиир дьон аҕыйаҕа суохтар.

4. Хайа тэрээьин сахалыы уцкуутэ суох буолуо5ай

Хайа тэрээһин өбүгэ үҥкүүтэ суох ыытыллыай? Дьокуускайдааҕы Култуура уонна ускуустуба колледжын устудьуоннара үҥкүүлүүллэр.

5 Эдьиий Дора алгыстаах тыла

Эдьиий Дора мустубут дьону эҕэрдэлиир.

6. а. Иннокентий Тарбаховтан маастар кылаас

6. б Тарбахов

РФ маастар асчыта, СӨ тыатын хаһаайыстыбатын үтүөлээх үлэһитэ, РФ потребкооперациятын үтүөлээх үлэһитэ, “Тыгын Дархан” общепит сулууспатын кыл. инженер-технолога Иннокентий Тарбахов ыыппыт маастар кылаастарын мустубут дьон бары сэҥээрэ көрдүлэр. Ол курдук, Иннокентий Иннокентьевич сахалыы саламааты, көбүөрдээх лэппиэскэни оҥорон көрдөрдө.

Хата мин саламааты илэ оҥоһулларын көрбөтөх киһи бэркэ интэриэһиргээтим. СӨ Суруналыыстарын сойууһун бэрэссэдээтэлэ Галина Бочкарева “Көбүөрдээх лэппиэскэни оҥорон көрө иликпин. Инникитин хата боруобалаан көрөр эбиппин”, - диэн саҥа аллайда.

7

3-с этээскэ саҥа аһыллыбыт “Ыалдьыт саалата” түһүлгэҕэ Эдьиий Дора бар дьонун алгыыр, арчылыыр.

8. Айталина Маркова технол. уонна дизайн колледжын преп лэ

9 түһүмэҕинэн ыытыллыбыт маастар кылаастарга дьон тоҕуоруһа муһунна. Дьокуускайдааҕы технология уонна дизайн колледжын преподавателэ, СӨ уус-уран оҥоһуктарга норуот маастара Айталина Маркова “Куукула таҥаһын тигии” маастар кылааһыгар.

9. Араас матырыйаалтан сувенир бэлэмнээьинэ. Колледж тхнологии и дизайна

Араас матырыйаалларынан маастар кылааһы Дьокуускайдааҕы технология уонна дизайн колледжын преподавателэ Дария Ноговицына ыыта олорорун көрөҕүт.

10 Цветы из шоколада студ. торг экон.колледжа Анна Артемьева Сергей Росоветский

World skills Russia региональнай чемпионат призердара, Дьокуускайдааҕы үп-эргиэн колледжын устудьуоннара Анна Артемьева уонна Сергей Росоветскай “Итальянский десерт Сабайон” диэн сакалааттан оҥорбут сибэккилэрин мустубут дьон олус диэн сэҥээрэ көрдүлэр.

11 Хоьоон курэ5ин кыайыылаа5а Алеша Сургутскай 3 кыл. 7 школа

“Ытык чорооммутугар – алгыстаах тыллар, ыллыктаах санаалар” хоһоон күрэҕин кыайыылааҕынан – Дьокуускай куорат 7-с №-дээх оскуолатын 3-с кылааһын үөрэнээччитэ Алеша Сургутскай ааттанна. Алеша дьэрэкээн бэйэлээх сахалыы таҥаһынан кэлэн хайа да артыыстартан итэҕэһэ суох туттан-хаптан хоһоону аахпытын үгүспүт биһирии, хайгыы көрдө. Аныгы сайдыылаах үйэ оҕолоро диэх курдук. Маладьыас!

12 Чорооццо маастар кылаастар

“Чороон 21 үйэ” тэрилтэ саамай туллар тутааҕар, Саха сирин аан дойдуга аатырдыбыт сахалыы иһит-хомуос, чороон оҥоһуллан тахсар эргийэр киинигэр, айар-тутар худуоһунньуктар олорор хосторугар киирэбин. Тэрилтэ кылаабынай худуоһунньуга Лидия Николаева оһуор ойуу хайдах түһэрин, уруһуйданарын кэпсиирин, көрдөрөрүн туораттан сэмээр истэбин. Дьон көҕүн, саҥаны билэргэ дьулуһарын сөҕө көрөбүн. Мин, уруһуйтан ыраах киһи, “син биир сатаабат дьыалам” диэн санааттан салгыы кэрийэ барабын.

12. а

12. б

12.в

13. а Керамист художник Мухиддин Набиев

25 сыл ыстаастаах художник-керамист идэлээх Мухиддин Набиев.

13. б. Керамика5а маастар кылаас

13. в

Туойунан дьарыктанар биир дойдулааҕым, күннээх Узбекистан Ташкент куоратыттан сылдьар Мухиддин Набиев мастарыскыайыгар киирэбин. 10-тан тахса керамиканы сэҥээрээччи дьон мустан үлэ хайдах оҥоһуллан тахсарын истэ туралларыгар түбэһэ киирэбин. Сэмээр кэннилэригэр туран мин эмиэ кулгаах-харах буолабын. Олус интэриэһиргииллэр эбит. Туойу хантан ыларын, туой бэйэ-бэйэтиттэн тугунан араастаһарын, хайдах састааптаах туой үчүгэйин, о.д.а. тоҕус төгүл тоҕус боппуруостара элбэҕин сөҕө-махтайа истэбин. Ол аата, саха дьоно даҕаны туойга сыстаҕастарын, маны дьарык оҥостуохтарын сөп эбит диэн түмүккэ кэлэҕин.

15. Сэлии муоьугар маастар кылаас

Тайах муоһуттан сувенирдары оҥорууга маастар кылааһы Дьокуускайдааҕы технология уонна дизайн колледжын преподавателэ Виктор Петров көрдөрөр.

14. чорооццо оьуору туьэрии

16. Саха дьахтарын симэ5э

Билигин сахалыы ойууру-мандары араас таҥаска-сапка сыыһа-халты киллэрии алҕастара бааллар. Онно анаан үөрэтэр-өйдөтөр маастар кылааһы Дьокуускайдааҕы технология уонна дизайн колледжын преподавателэ Ирина Каратаева “Якутские орнаменты” лиэксийэтигэр бэрт дириҥник хорутан быһааран биэрдэ. Кэлбит дьон олус диэн сэҥээрэн олорон иһиттилэр. Маннык дириҥ ис хоһоонноох үөрэтэр-такайар маастар кылаастар ыытыллаллара буоллар диэн баҕа санааларын эттилэр.


Дьэ, ити курдук “Чороон 21 үйэ” тэрилтэ (дир. Софья Попова) аан бастаан ыыппыт “Алгыстаах түһүлгэтэ” үрдүк таһымҥа ыытылынна. Кэлбит дьон сүрдээҕин сүргэлэрэ көтөҕүллэн, билии-көрүү эбинэн, уопут ылан тарҕастылар. Салайааччы Софья Трофимовна “Нэһилиэнньэҕэ аналлаах маастар кылаастар, көрсүһүүлэр, төгүрүк остуол ый аайы ыытылларын былаанныыбыт” диэн санаатын үллэһиннэ уонна тэрээһиҥҥэ кыттыбыт “Айан” дизайн-студия (дир. С.Филиппова), “Уран Саха” ХЭУо (дир. Л.Егоров), Дьокуускайдааҕы технология уонна дизайн колледжыгар (дир. Е. Яковлева), Дьокуускайдааҕы үп-экэниэмикэ колледжыгар (дир. В Кривошапкина), ТNТ норуоттар икки ардыларынааҕы хампаанньаҕа (Э. Сысоева), “Студия l Том” (дир. Н.Томская) тэрилтэлэргэ махталын биллэрэр.

Сиһилии чэппиэргэ тахсар “Кыым” хаһыат муус устар 12 күнүнээҕи 14 №-гэр ааҕаарыҥ.

“Чороон 21 үйэ” тэрилтэ Дьокуускай куорат, Лонгинов уулуссатын 88 дьиэтигэр уонна “Проспект” атыы-эргиэн киинин 3 этээһигэр “Туйаара Куо” маҕаһыыннарыгар эһигини кэтэһэр. Билсэр төлөпүөҥҥүт 89142898088, 89142359277.

Алгыстаах түһүлгэҕэ сылдьан көрдө-иһиттэ

Саргылаана БАГЫНАНОВА.

Тарҕат:

Ырытыыгын суруй

Защитный код
Обновить

Бүтэһик сонуннар