Киирии

Киирии

Бүгүн олунньу 13 күнүгэр Ил Түмэҥҥэ Владимир Прокопьев салайар сир сыһыаннаһыыларын, экология уонна айылҕа ресурсаларын сис кэмитиэтигэр Томтордооҕу сир баайын баһылыырга сыһыаннаах боппуруостары көрдүлэр. Онно Өлөөн эбэҥки национальнай улууһун баһылыга Александр Иванов “Өлөөҥҥө Томтор сир баайдаах сиригэр сэдэх металлары хостуур “Восток Инжиниринг” ХЭУо аахсыйатын сорох өлүүтүн улуус уонна өрөспүүбүлүкэ бас билиитигэр бэрсэргэ” диэн этии киллэрдэ. Александр Иванов “маннык дьаһаныы экэниэмикэ сыһыаннаһыыларын эрэ буолбакка, экология уонна социальнай бэлиитикэни ыытарга төһүү буолуоҕа” диэн тоһоҕолоото. Маныаха улуус аатыттан номнуо кэпсэтии саҕаламмыт, ону өрөспүүбүлүкэ салалтата өйөөбүт. Ол эрээри, “Восток Инжиниринг” икки тэрийэн таһаарааччылаах (“Ростех” уонна “Триарк Майнинг”) буолан кэккэ уустуктар бааллар эбит. Онуоха “Восток Инжиниринг” салайар дириэктэрэ Сергей Сергиенко “итинник этии киирбитэ, ол эрээри билиҥҥитэ туох да күттүөннээҕи этэр кыаҕым суох” диэтэ.

Томтордооҕу сир баайын 1959 сыллаахха арыйбыттара. Манна сүүһүнэн сылга тиийэр саппаастаах сэдэх металлары булбуттара. Инньэ гынан, Арассыыйа наадыйыытын толору хааччыйар кыахтаах. 2013 сыллаахха Томтор уруудатын биир туонната $8,5-$11,38 тыһ. дуолларга сыаналаммыта. “Восток Инжиниринг” хампаанньа Өлөөҥҥө 2015 сыл кулун тутарыгар бэлиэтэммитэ. Билигин геологтар көрдүүр-чинчийэр үлэни түмүктээбиттэр. 2019 сылга “Бураннай” учаастакка урууданы хостоон барыахтаахтар.

Тарҕат:

Ырытыыгын суруй

Защитный код
Обновить