Киирии

Киирии

Ил Түмэҥҥэ бүддьүөтү ырытар пленарнай мунньаҕа буола турар.

 

Чурапчытааҕы биир мандааттаах быыбардыыр уокуруктан Ил Түмэн дьокутаата, ыччат дьыалаларыгар, физическэй култуураҕа уонна успуорка сис кэмитиэт бэрэссэдээтэлэ, олохтоох бэйэни салайыныыга кэмитиэт бэрэссэдээтэлин солбуйааччы Михаил Гуляев бырабыыталыстыба бэрэссэдээтэлигэр Владимир Солодовка: “Сыл ахсын 15-тии саҥа оскуоланы тутар үтүө үгэс баара, кэлин онтубут 10-ҥа диэри түспүтэ. Бүгүҥҥү туругунан 75 хаарбах туруктаах оскуола баар. Сыл ахсын 10-нуу саҥа оскуоланы тутар буоллахпытына, 2030 сылга да хаарбах оскуолаларбытыттан босхолонуо суохпут. Онон, боротокуол быһыытынан, 2019 сылга саамай кыччаабыта 10 оскуоланы тутар курдук дьаһаныахха наада. Уопсайынан, саҥа оскуола тутуута инникитин хайдах дьылҕаланыай?”, — диэн ыйытта. Онуоха тойон Солодов “олоҕурбут үгэһинэн буолбакка, аныгы ирдэбилинэн салайтаран олоруохха, үлэлиэххэ наада. Билигин бары хаачыстыбаны эрэйэллэр. Оттон СКЭҕэ Саха сирин көрдөрүүтэ үчүгэйэ суох. Бастатан туран, ону тупсарыахха наада...” диэн хоруйдаата.

Онуоха Набережнай уокуруктан норуот дьокутаата Мария Христофорова: “Биһиги Михаил Дмитриевиһы бары бэркэ билэбит, ытыктыыбыт. Оттон Владимир Солодов норуот дьокутаатын ыйыытыгар хоруйдаабыта миигин дьиксиннэрдэ. “Үгэһи” уонна “наадыйыыны” утарыта туруоран сыаналыыр табыллыбат. Дьокутаат чопчу ыйытык биэрэр буоллаҕына, бырабыыталыстыба кининэн сирэйдээн норуот иннигэр хоруйдуохтаах. Туох да диэбит иһин, дьокутааты норуот бэйэтэ талар. Арай, ол СКЭни мөлтөхтүк туттарар оскуолаларга ахсаан өттүнэн нуормаҕа сөп түбэспэт, ыы-быччары оҕолоох кылаастар мэһэйдииллэрэ буолаарай? Эбэтэр оскуола тымныыта бэрдиттэн кылааска тас таҥастаах олорон үөрэнии?

Владимир Викторович, эн премьер дуоһунаһыгар ананаргын дьокутааттар бары өйөөбүппүт. Үс ый иһигэр эн кимҥин-туоххун биһиги толору билэр кыахпыт суоҕа. Эйигин норуот быыбардаабыт Ил Дархана мэктиэлээбитин иһин өйөөбүппүт. Онон эйигин өйөөн бигэргэппит норуот дьокутааттарыгар ытыктабыллаахтык сыһыаннаһаргар ыҥырабын”, — диэтэ.

Тарҕат:

Комментарии

Защитный код Обновить