Бүгүн Дьокуускай куорат Дууматыгар үһүс ыҥырыылаах мунньах дьокутааттара мунньахтаатылар. Уопсайа бэбиэскэҕэ 21 боппуруоһу көрдүлэр.
Бастатан туран куорат дьокутааттарын куоластыыр күнү быһаардылар. 2013 сыл балаҕан ыйын 8 күнүттэн куорат Дууматын дьокутааттарын талбыттара, онон кинилэр боломуочуйалара быйыл балаҕан ыйын 9 күнүгэр түмүктэнэр. Инньэ гынан, устаап быһыытынан, Дуума дьокутааттарын быйыл балаҕан ыйын 9 күнүгэр талыахтара. Быйыл 27 улууска муниципальнай таһымнаах быыбардар ыытыллаллар.
