Бэҕэһээ киин куоракка Дьокуускай баһылыгар хандьыдааты таларга барыллаан куоластааһын ыытылынна.
Праймериз кыайыылааҕынан куорат Дууматын бэрэссэдээтэлэ Александр Саввинов буолла. Кини 85% куолаһы хомуйда.
“Праймериз түмүгэ маннык буолла: 85% куолаһы Александр Саввинов, 11,48% куолаһы Евгений Ладиков, оттон 10,38% куолаһы Андрей Петров ылла”, — диэн баартыйа саайтыгар суруйаллар.
Бэҕэһээ быыбардыыр учаастакка 13 965 куорат олохтооҕо кэлбит, ити киин куорат быыбардааччытын уопсай ахсааныттан 7,57%.
Киин куорат мээрин балаҕан ыйын 9 күнүгэр талыахпыт. Билиҥҥи туругунан, Киин быыбардыыр хамыыһыйаҕа ЛДПРтан Владислав Теппор докумуоннарын туттаран турар.
