Норуот дьокутаата, урбаанньыт Владимир Федоров “Родина” баартыйаттан Дьокуускай куорат мээрин быыбарыгар киирсиэҕэ. Бу туһунан бэҕэһээ Владимир Юрьевич социальнай ситимнэргэ иһитиннэрдэ.
Кини куорат мээригэр киирсэргэ хас да сыл өйдөөн-төйдөөн үөрэммитин туһунан уонна хас биирдии куорат олохтооҕун олоҕо тупсарыгар үлэлэһэр былаанын олоххо киллэрээри быыбарга кыттарын этэр.
Санатар буоллахха, куорат баһылыгын балаҕан ыйын 9 күнүгэр талыахпыт. Манна ЛДПРтан Владислав Теппор уонна “Биир ньыгылтан” куорат Дууматын бэрэссэдээтэлэ Александр Саввинов кытталлар. Эспиэрдэр сылыктыылларынан, сүрүн киирсии былаас киһитэ Александр Саввинов уонна Владимир Федоров икки ардыларыгар буолуоҕа.
