Саха сирин Киин быыбардыыр хамыыһыйата (ЦИК) биир мандааттаах уокуруктартан уонна баартыйаттан Ил Түмэн быыбарыгар киирсэр хандьыдааттартан докумуону тутан бүттэ. Парламент кириэһилэтигэр олоруон баҕалаах 12 баартыйа биллэрбит.
“От ыйын 16 күнүнээҕи туругунан, бэлиитикэ баартыйалара 600-чэ хандьыдааты туруорбуттар. Ити барыллаан дааннайдар, докумуон бэрэбиэркэлэммитин кэннэ уларыйыахтарын сөп”, — диэн Киин быыбардыыр хамыыһыйа быһаарар.
Испииһэгинэн 12 баартыйа хандьыдааттары туруорбут: “Биир ньыгыл Арассыыйа”, “Сиэрдээх Арассыыйа”, ЛДПР, КПРФ, «Гражданская платформа», «Родина», «ПАРТИЯ ЗА СПРАВЕДЛИВОСТЬ в Республике Саха (Якутия)», «Российская партия пенсионеров за справедливость», «Партия Роста», «Партия социальных реформ – Прибыль от природных ресурсов – Народу», «Коммунисты России» уонна «Зеленые» Арассыыйатааҕы экология баартыйата.
Биир мандааттаах уокуруктарга 10 баартыйа хандьыдааттары туруорбут: «Биир ньыгыл Арассыыйа» 35 киһини туруорбут, «Сиэрдээх Арассыыйа» — 31, ЛДПР – 29, КПРФ – 17, «Гражданская платформа» – 8, «Родина» — 6, «ПАРТИЯ ЗА СПРАВЕДЛИВОСТЬ в Республике Саха (Якутия)» — 4, «Российская партия пенсионеров за справедливость» — 3, «Партия Роста» — 2, «Партия социальных реформ – Прибыль от природных ресурсов – Народу» биир киһини туруорбут.
