Бүгүҥҥүттэн, ол эбэтэр атырдьах ыйын 29 күнүттэн балаҕан ыйын 8 күнүгэр диэри Дьокуускай куорат олохтоохторо болдьох иннинэ куоластыыллара сокуонан көҥүллэннэ.
Болдьох иннинэ куоластааччылар Дьокуускай куорат олохтоох салалтатын, ол эбэтэр куорат аҕа баһылыгын уонна Ил түмэн дьокутааттарын талыыга эрэ куоластыахтарын сөп. Маннык быраап болдьоммут күҥҥэ бэйэлэрин быыбардыыр учаастактарыгар убаастанар биричиинэнэн кыайан кэлбэт эрэ дьоҥҥо бэриллэр.
Балаҕан ыйын 29 күнүгэр Саха сирин олохтооҕо барыта Саха өрөспүүбүкэтин Ил Дарханын, Ил Түмэн дьокутааттарын, Дьокуускай куорат аҕа баһылыгын, 15 улуус, нэһилиэк баһылыктарын, улуустар, нэһилиэктэр уонна Дьокуускай куорат дууматын дьокутааттарын талыахтара.
