Орто Халыма улууһун Арҕахтаах сэлиэнньэтигэр уу муҥутуур кутталлаах таһымын 44 см куоһарда.
“Арҕахтаахха 23 тиэргэн ууга барда. Онно 92 киһи, ол иһигэр 31 оҕо олорор. Эмсэҕэлээбит дьону аймахтарынан көһөрдүлэр”, — диэн Ил Дархан уонна бырабыыталыстыба пресс-сулууспатыгар иһитиннэрдилэр.
Сылгыны-сүөһүнү уу ылбат үрдүк сиригэр көһөрбүттэр, 120 киһи олорор быстах кэмнээх 4 пуунун бэлэмнээбиттэр.
Халыма өрүс мууһа билигин Илин Сибиирдээҕи байҕалга толору киирбит. Кэлэр сууккаҕа Халыма өрүскэ уу таһыма өссө үрдүүрүн сылыктыыллар.