Саха сиригэр ойуур уотуттан тахсыбыт хоромньуну аахтылар. Бу туһунан ЫБММ Саха сиринээхи сүрүн управлениетын пресс-сулууспата иһитиннэрэр.
“Ойуур уотуттан тахсыбыт хоромньу 205 мөл. 747 тыһ. 528 солк. тэҥнэстэ. Уот туруутун сүрүн төрүөтүнэн чаҕылҕан уонна дьон дьалаҕайа буолар”, — диэн биэдэмэстибэ иһитиннэрэр.
Барыллаан бэрэбиэркэ түмүгүнэн, уот туруутугар кыттыгастаах 16 киһини булбуттар. Суука Бүлүү улууһун киһитэ сэрэҕэ суоҕуттан сыбаалканы уоттаабытыттан сылтаан 1 085 гектаардаах сир умайбытынан тэриллибит холуобунай дьыаланы ыыттылар. Маны таһынан, билигин Уус Майда, Амма уонна Ньурба улуустарыгар тэриллибит холуобунай дьыалалары силиэстийэлээн түмүктээн эрэрллэр (кимнээх буруйданаллара биллэр).
