Балаҕан ыйын 25-26 күннэригэр Санкт-Петербуург куоракка V Аан дойдутааҕы ыччат экологическай форума ыытылынна. Киэҥ хабааннаах тэрээһиҥҥэ устудьуоннар, волонтердар, эдэр испэсэлиистэр, учуонайдар, региональнай уонна федеральнай былаас бэрэстэбиитэллэрэ, урбаанньыттар, айылҕа харыстабылын үлэһиттэрэ, экологическай фондалар, экологическай мониторинг испэсэлиистэрэ уонна аналитиктара кыттыыны ыллылар.
Тэрээһин саамай чаҕылхай көстүүтүнэн «Proetcontra» диэн Арктика экологиятыгар сыһыаннаах тоҕоостоох тиэмэлэргэ дискуссия ньыматынан ыытыллар ток-шоу буолла.
Кыттааччыларга бэйэтин эҕэрдэ тылын Санкт-Петербуург куорат ыччат бэлиитикэтин уонна общественнай тэрилтэлэрин кытта үлэлэһии Кэмитиэтин бэрэссэдээтэлэ Рената Абдулина эттэ.