РФ Гражданскай оборуонаҕа дьыалаларыгар, ыксаллаах быһыыга-майгыга уонна айылҕа таһаарар иэдээнин туоратыыга миниистирэ Владимир Пучков ыам ыйын 14 күнүгэр Дьокуускайга кэллэ.
Кини Ил Дарханы кытары Амма улууһугар көттө. Былаан быһыытынан бөртөлүөтүнэн Амма улууһугар, чуолаан халаантан эмсэҕэлээбит Абаҕа, Мээндиги, Чапчылҕан уонна Амма нэһилиэктэрин көрүөхтэрэ.
Онтон Дьокуускайга кэлэн Пучков бырабыыталыстыба хамыыһыйаларын кытары мунньахтыаҕа. Онно халаан содулун туоратыыга дьаһаллары ылыахтара.
