Хаҥалас улууһун Кытыл Дьураа нэһилиэгэр икки олорор дьиэ, оскуола уонна хочуолунай ууга барбыт. Бу туһунан нэһилиэк баһылыга Вероника Лотова иһитиннэрэр.
Оттон Өктөмҥө уу таһыма 309 см (кутталлаах таһым – 480 см). Нэһилиэк баһылыга Александр Большаков иһитиннэрэринэн, сааскы халаантан дамба (быһыт) алдьаммыт. Быстах кэмнээх олорор пууҥҥа 19 киһи эвакуацияламмыт.
Чкаловка уонна Тиит Арыыга уу икки дьиэҕэ кэлбит. Онно 6 киһи олорор, кинилэри аймахтарынан көһөрбүттэр.
