Cаха сирин борокуратуурата Хаҥалас уонна Муома улуустарын дьокутааттара дохуоттарын туһунан биэрбит иһитиннэриилэрин бэрэбиэркэлээтэ.
Ол түмүгүнэн, сокуону кэһии тахсыбытын быһаардылар. Инньэ гынан, 5 дьокутааты итэҕэлтэн тахсыбыттарынан, дуоһунастарыттан уһуллулар. Бу туһунан СӨ Борокуратууратын пресс-суулууспата иһитиннэрэр.
Бэрэбиэркэ быһаарбытынан, Хаҥалас улууһун “1-кы Малдьаҕар нэһилиэгэ”, “2-с Малдьаҕар нэһилиэгэ”, “3-с Малдьаҕар нэһилиэгэ” уонна Муома улууһун “Улахан Чыычтай национальнай нэһилиэгэ” муниципальнай тэриллии дьокутааттара сокуон ирдиир дохуоттарын туһунан иһитиннэриини биэрбэтэхтэр.
Ол иһин, борокуруор модьуйуутунан бу биэс отчуоттарын биэрбэтэх дьокутааттар боломуочуйаларын быстылар.