Бүлүүлүүр аартык 13-с км суол саахалыгар эчэйбит дьон – дьахтар уонна эдэр кыыс туруктара ыарахан. Бу туһунан Саха сирин доруобуйа харыстабылын министиэристибэтин пресс-сулууспатыгар иһитиннэрдилэр.
“Эмсэҕээлээбиттэри өрөспүүбүлүкэтээҕи 2-с №-дээх балыыһаҕа аҕалбыттар. Билигин эпэрээссийэлэнэллэр. Туруктара ыарахан”, – диэн иһитиннэрдилэр.
Бүгүн, от ыйын 6 күнүгэр, Бүлүүлүүр суол 13-с км “Тойота Прадо” уонна таһаҕас тиэйэр массыына харсыспыттар.
