Уус Алдан биир нэһилиэгэр 34 саастаах дьахтар ыйын да туола илик оҕотун соҕотохтуу хаалларбытыгар холуобунай дьыаланы тэрийдилэр.
Кырачаан туругун көрө-истэ мэдиссиинэ үлэһитэ патронажка барбыт. 6,3 саастаах уонна 28 хонуктаах оҕолоох ыал ааннарын олох арыйбатахтар. Дьиэттэн оҕо иэрийэн ытыыра иһиллибит. Аан аһаҕас буолан мэдиссиинэ үлэһитэ дьиэҕэ киирэн көрбүтэ, кырачаан соҕотоҕун ытыы сытаахтаабыт. Дьиэҕэ биир да улахан киһи суох буолан биэрбит. Сонно тута полицияҕа тыллаабыт.
Бэрэбиэркэ түмүгүнэн биллибитинэн, ыал аҕата кустуу сылдьыбыт, оттон 34-тээх дьахтар арыгылыы баран хаалбыт. Кини 6-лаах уонна 3-тээх оҕолоро эбэтин аахха сылдьыбыттар. 4 чаас буолан баран, кэҕэ ийэ дьиэтигэр отой да итирик тиийэн кэлбит. Кырачаанын ыарахан сылдьан бу дьахтар итирик балыыһаҕа киирэн турардаах эбит.
Дьахтар оҕолору кутталлаах балаһыанньаҕа хаалларбытын иһин, холуобунай дьыала тэрилиннэ. Бу туһунан ИДьМ пресс-сулууспата иһитиннэрэр.
