Биһиги ыалдьыппыт – «ОДНАКО, ЖИЗНЬ!» хаһыат
Үтүө күнүнэн, ытыктабыллаах “Кыым” хаһыат ааҕааччылара!
Мин, “Однако, жизнь!” хаһыат эрэдээктэрэ, биһиги таһаарыыбытын кытары билсэргитигэр ыҥырабын. Эһиэхэ анаан хаһыаппытыгар тахсыбыт биир ыстатыйаны сэҥээриэхтэрэ диэн, билиһиннэриигэ биэрэбит.
Биһиги хаһыаппыт саамай сүрүнэ – үтүө, бэһиэлэй, үөрэтэр-такайар уонна да атын олоххо туһалааҕы уонна үөрүүнү аҕалар дьиҥ олохтон устуоруйалар, идэтийбит дьонтон сүбэ-соргу, уһун үйэлэнии уонна доруобуйа аныгы уонна былыргы кистэлэҥнэрэ, муудараһы уонна дьолу көрдүүр дьоҥҥо араас өйдөтүү.
“Чуҥкуктан атын бары жанр үчүгэй”, – диэн Вольтер этэн турардаах. Онон биһиги эһиэхэ анаан чэпчэкитэ суох уонна сүдү суолталааҕы судургутук суруйа сатыыбыт. Хаһыаппыт хас биирдии сирэйэ тыыннаах интэриэһи тардарыгар дьулуһабыт. Ол хайдах табылларын эһиги бу ыстатыйаттан сыаналыаххытын сөп. Оттон сөбүлээтэххитинэ, эрэллээх ааҕааччыбыт буолуоххут диэн эрэнэбит.
Ытыктабылы кытары “Однако, жизнь!” эрэдээктэрэ уонна бырайыак ааптара Александр КАЗАКЕВИЧ.
2019 сыл кулун тутарыгар Минскэй куорат олохтооҕо Владимир Фёдорович Короткай араак буолбутун туһунан ыар сонуну истибитэ. Бэликилииньикэҕэ ис уорганнарын УЗИ-лата тиийэн баран, онкология балыыһатыгар “ноор уонна таал араага” диагнозтаах киирбитэ. Соһуччу сонунтан улаханнык сатарыйбыт киһи туруга бастаан улахан уолуйууга, ол кэннэ толору улугурууга тиэрдибитэ. 87 сааска бу ыар ыарыыны кытары охсуһар наада дуо? Сүрүнэ, хайдах? Дьолго, биһиги дьоруойбут киниэхэ саба түспүт иэдээниттэн иҥнэн хаалбакка, үтүөрэр баҕата баһыйан, тус суолун булбута. Ол санаатын ааҕааччыларбытын кытары үллэстэр.
Диагноз: “Киһи буолбат!”
“Быраас араак буолбуппун эппитигэр тугу да гыныахпын билбэтэҕим. Муҥур уһукпар тиийэн хаалбытым. Хайдах? Тоҕо?! Олоҕум устата үлэлээн-хамсаан кэллим, эдэр сылдьан успуордунан дьарыктанарым, табах тардыбатаҕым, биир сиргэ түптээн олорбоппун, олоҕу таптыыбын... Миэхэ үгэс буолбут эмтэниини ааһарбар эппиттэрэ: ноорбуттан уонна таалбыттан искэммин ылан быраҕыы, химиотерапия, уотунан тыктарыы. Көрдөрүнэ сытан, маннык эмтэниини ааһа сылдьар сордоохтору көрөрүм. Кинилэр хайдахтаах курдук сору-муҥу көрө сылдьалларын аһыммытым, хараастыбытым. Ол иһин: “Мин итинниги баҕарбат эбиппин!” – диэн кытаанахтык быһаарыммытым. Итинник тэрэпиийэ кэннэ олоҕум интэриэһинэйэ суох буолуо этэ. Бу иннинэ биир бүөрбүн ылан бырахпыттара, аныгы мэдиссиинэ хараҕынан мин “номнуо бүппүт” киһи этим.
Ыар санааҕа баттаппыт киһи быраас доҕорбор бырастыылаһа тиийбитим. Дьэ, кини миигин “сахсыйан” биэрдэ уонна Николай Шевченко «Побеждать! Безнадёжных больных нет» диэн кинигэтин туттарда. Онтон ыла мин араагы кытары охсуһар суолум саҕаламмыта.
Доруобай буолуу суолун кинигэҕэ көрдөөҥ
Бүгүн Владимир Фёдорович — эрчимнээх, күлэ-үөрэ сылдьар, саамай сүрүнэ, олох үөһүгэр сылдьар доруобай киһи. Күнүн көй салгыҥҥа 40 мүнүүтэлээх эт-хаан эрчиллиититтэн саҕалыыр, сайынын үөрэ-көтө даачаҕа үлэлиир. Биһиги дьоруойбут билим элбэх литэрэтиирэтин хаһыспыт, норуот мэдиссиинэтин араас ырысыабын, ньыматын туһаммыт. Ол түмүгүнэн олох туһугар охсуһар дьоҥҥо ааҕарга сүбэлиир кинигэ испииһэгин оҥорбут. Ол кинигэлэргэ булбут иһитиннэриилэрэ Владимир Федорович үтүөрэригэр көмөлөспүттэр.
Кинигэлэр: Н. В. Шевченко «Побеждать! Безнадёжных больных нет. Универсальная методика с примерами исцеления самых тяжких болезней»; Н. И. Даников «Целебная сода»; Е. А. Лаппо «Почему мы так мало живём?»; А. В. Маловичко «Диагноз «рак»... С чего начинать?!»; Г. А. Гарбузов «Скажи опухоли нет!» и «Вода побеждает опухоли и другие неизлечимые заболевания»; Б. В. Болотов, Г. А. Погожев «Истины Болотова. Рак можно победить»; Б. В. Болотов «Молодило»; В. Бутенко «Рецепты зелёных коктейлей для России»; Л. И. Сазанова «Рак излечим: опыт лечения рака природными средствами»; Т. А. Федосеева «Очищение организма»; В. З. Владиславский «Сколько жить тебе, человек?»; В. Н. Огарков «Всё о золотом усе из первых рук»; Г. Д. Лысенко «Живая и мёртвая вода»; Е. П. Шмерко, Н. В. Тышкевич «Аптечка природы: заметки о лекарственных растениях»; Д. Серван-Шрейбер «Антирак. Новый образ жизни».
“Миэхэ арыы, суода уонна “тыыннаах” ас көмөлөспүттэрэ”
“Мин тугу аахпыппын тута туһанан испитим. Ол түмүгэр эмтэниим исхиэмэҕэ кубулуйбута. Онтубун кэпсиибин. Баҕар, кимиэхэ эмэ, миэхэ туһалаабытын курдук көмөлөһүө. Бастаан буоккалаах арыыны иһэрим. Эмтэнии бу ньыматын Николай Шевченко кинигэтигэр кэпсиир. 30 мл буокканы (эбэтэр 40% испиир) 30 мл рафинированнайа суох мас арыытыгар булкуйаҕын, сахсыйан баран, иһэн кэбиһэҕин. Ону аһыам иннинэ күҥҥэ 3 иһэрим. 1,5 л буокканы уонна оччо мас арыыны туһаммытым.
Иккиһинэн, хас сарсыарда аайы аһыы олорон уонна киэһэ 200 г иэдьэгэйи (1 %) 2 улахан ньуоска лүөн арыытыгар булкуйан сиирим. Ити араак килиэккэтин кытары охсуһар.
Үсүһүнэн, буоккалаах мас арыынан эмтэнэн баран, аччыктааһыны тэрийбитим – икки күн сылбархай уунан олорбутум. Аччыктааһын килиэккэ регенарациятын саҕалыыр.
Төрдүһүнэн, “кислотнощелочной балаансабынан” дьарыктаммытым. Ону бэрэбиэркэлээри, лакмус кумааҕытын атыыласпытым. Индикатордаах полуосканы айаххар уктаҕын, оччоҕуна Рн таһымын билэҕин. Ол иннинэ Евгений Лаппоҕа араак килиэккэлэрэ рН7 таһымнаах эйгэҕэ кыайан олорботторун туһунан аахпытым. Ол иһин щелочтаары, суодалаах суурадаһыны иһэн саҕалаабытым. Ону маннык оҥостоҕун: 1 ыст. оргуйбут ууга 1 кыра ньуоска суоданы кутан булкуйаҕын, сойбутун кэннэ сарсыардааҥҥы ас иннинэ уонна киэһэ утуйуох 30 мүн. иннинэ иһэҕин. Маннык суурадаһын куртаххын ыраастыыр (хойуугут убаатаҕына, куттанаайаҕыт) уонна рН таһымын үрдэтэр.
Бэсиһинэн, сүрүнэ — аспын көрүннүм! Араак сүрүнээн – сыыһа аһыыртан саҕаланар. Ити туһунан бэрт сиһилии Давид СерванШрейбергэ сурулла сылдьар, мин онтон араагы утары дийиэтэни оҥостубутум. Сыалаахтан кыккыраччы аккаастаммытым, переработкаламмыт эт бородууксайатыттан (маҕаһыын халбаһыларыттан, сосискаларыттан), саахартан, үүттэн, доруоһалаах килиэптэн уонна бурдук астан эмиэ. Итиэннэ сыыры сиир буолбутум: билиэндэргэ оҕуруот аһын, күөх үүнээйини уонна бурууктаны илдьиритэн баран, ол симиэһи күҥҥэ үстэ аһыам иннинэ бастакы бүлүүдэ курдук иһэрим.
Алтыһынан, бэйэбэр туһалаах ууну арыйбытым. Уу араагы уонна да атын ыарыылары кыайыан сөп эбит. Биллэн турар, мээнэ, кыраантан сүүрэр уу буолбатах. Мин “тыыннаах” уонна “өлбүт” ууну иһэрим, ону хайдах ылары Георгий Лысенко сиһилии ойуулуур. Ону көннөрү ууга “переменнэй” уонна “бастайааннай туогу” аһардан ылаҕын. «Өлбүт» (кислотнай) уу импиэксийэни уонна буортулаах микроорганизмнары өлөрөр, оттон «тыыннаах» (щелочьтаах) биологическай хамсааһыны көҕүлүүр, хаан баттааһынын үрдэтэр, бэссэстибэ атастаһыытын түргэтэтэр. Ууну сэрээттиир прибор интэриниэт-маҕаһыыннарга атыыланар.
Сэттис, БАД-тары иһэр буолбутум. Хааммын ыраастаары лопух (сыыс от) силиһин испитим, сүрэҕим этэҥҥэ үлэлээтин диэн, омега-3, араак килиэккэлэрин өлөрөр селени, Н-500 минераллаах булкадаһыгы – күүстээх антиоксиданы уонна иммуностимуляторы испитим. Сарсыарда аччык испэр 20 мүнүүтэ улахан ньуоска рафинированнайа суох мас арыытын эммитим. Ол хаантан-сиинтэн тоскиннары оборор дииллэр.
Араак ыарыылаахтарга Сервен-Шрейбер дийиэтэтэ
Француз медигэ, психиатр Давид СерванШрейбер бэйэтэ 12 сыл курдук мэйии араагын кытары охсуспут. Араак сүрүн биричиинэтинэн аныгы ас буолар диирэ. Ону сааһылаатаххына, хааҥҥын-сииҥҥин кытаатыннарыаххын уонна чөлүгэр түһэриэххин сөп. Серван-Шрейбер сүбэлэриттэн холобурдуубун:
Искэн ыарыыта сайдыытын тохтотор бородуукталар:
*Күөх чэй. 10 мүн. көөнньөрөҕүн, чаас устата күҥҥэ 2-3 куруусканы иһэҕин.
*Тымныылыы ыгыллыбыт оливка арыыта, күҥҥэ 1 улахан ньуоска.
*Куркума. Мээккэ хара биэрэһи кытары аска тумалыыгын. Күҥҥэ биир кымаах (кутуу) сөп оҥорор.
*Вишня, биэ эмиийэ, черника, ежевика, сугун, күлүүкүбэ. Тоҥнуу уонна сибиэһэйдии, төһөнү баҕарар сиигин.
*Слива, персик, абрикос.
*Кириэстии кэргэнниилэр оҕуруот астара: брокколи, хаппыысталар. Олору оргуппакка, паарга буһараҕын эбэтэр хатара буһараҕын. Эбэтэр сиикэйдии.
*Чосунуок, луук бары көрүҥэ. Күҥҥэ биир эбэтэр аҥаар луугу сиигин. Ону кыратык ыһаарылаан эбэтэр оливка арыылаан сиигин.
*Тэллэй. Шампиньон уонна и вёшенка итиэннэ дьоппуоннар тэллэйдэрэ араагы бохсоллор.
* 70 % какаолаах хара сакалаат.
*Помудуор. Хайаан да буспут (симэһинигэр буспут), оливка арыылааҕа ордук.
Хайдах аһыахтаахпытый? Араак килиэккэлэрин “аһатар” бородуукталартан аккаастаныахха, ол – саахар, килиэп, маҕаһыыҥҥа атыыланар бурдук ас, үрүҥ ириис; күүскэ паардаммыт мокоруон; хортуоска; кукуруза көппөхтөрө; барыанньа, сироп, джем; гаастаах утах, маҕаһыын утахтара; арыгы; маргарин уонна гидрогенизированнай сыалар; кыһыл эт, көтөр тириитэ, сымыыт уонна үүт ас (өскөтүн кууруссалары, сибиинньэлэри уонна ынахтары кукурузанан уонна соянан аһаппыт буоллахтарына, гормуоннарынан уонна антибиотиктарынан укуоллаатахтарына); фастфуд; маҕаһыыҥҥа атыыланар буруукта уонна оҕуруот аһын хахтара (онно пестицидтэр мусталлар); кыраантан сүүрэр уонна былаастык бытыылкалаах уу.
Маныаха туһалаахтар: акаассыйа мүөтэ; булкаас бурдук, үүнээйи бородууктата; бөдөҥ гына мэлиллибит бурдук бородууктата (оруос килиэбэ); хара уонна басмати ириис, эбиэс, нэчимиэн, гречка, лүөн сиэмэтэ; чечевица, фасоль, батат; мюсли, овсянка; сибиэһэй отон; дьиэтээҕи лүмэнээт; чабрецтаах чэй, цитрустар хахтара; оливка, лүөн арыылара; натуральнай (дьиэтээҕи) эт, сымыыт уонна үүт ас (гормуоннарынан укуолламматах, от аһылыктаах кыыллар), оливка, помудуор уонна оҕуруот атын астара; балык (макрель, скумбрия, сардины, лосось); хахтаммыт фрукта уонна оҕуруот аһа; өстүөкүлэ бытыылкаҕа кутуллубут биилтирдэммит, миньэрээллээхминераллаах уу.
Туһанартан аккаастанар хиимийэ табаардара: алюминийдаах дезодораннар уонна антиперспираннар; парабеннаах, фталаттаах, гормуоннаах кэсмиэтикэ; үөнү-көйүүрү, кэрбээччилэри өлөрөр бырамыысыланнай сириэстибэлэр; дьоҥкуо иһиттэр; тефлоннаах иһиттэр; иһит, муоста сууйар сириэстибэлэр, акриллаах туалет хаапсылалара; таҥас-сап химчистката; духуулар.
Үөһэ ыйыллыбыттары солбуйарга: алюминийа суох дезодораннар; парабена уонна фталаттара суох кэсмиэтикэ; эфирнэй арыылаах, борнай кислоталаах сириэстибэлэр; туой эбэтэр өстүөкүлэ иһит; фосфата суох таҥас сууйар бороһуоктар, сууйар тэриллэр.
Үс ыйынан араак сүппүтэ
“Мин итинник үс ый эмтэммитим, ол кэннэ хос бэрэбиэркэлэммитим. Быраастар сыныйан бэрэбиэркэлээн баран уонна томографиям түмүгүн көрөөт, “ханнык да онкология, искэн суох!” диэбиттэрэ. Билигин этэҥҥэбин. Сарсыарда аайы сэрээккэлиибин, сорох БАД-тарбын иһэбин, баҕарбыппын аһыыбын (сыалаахтан ураты хайаан да сибиэһэй оҕуруот аһын сиибин). Бэркэ олоробун. Онон барыларыгар туһаайан: “Быраастар хайдахтаах да бириигэбэри анааталлар, санааҕытын олох түһэримэҥ!” – диэм этэ.
Анастасия СОСНОВСКАЯ сэһэргэстэ.
Бу ыстатыйа “ЮНИЛАЙН” Бэчээт дьиэтэ таһаарар “Однако, Жизнь” хаһыаттан ылылынна. Хаһыат индексэлэрэ: П2780 (сүрүн), ПР080 (чэпчэтиилээх), ПБ450 (сыллааҕы). “Однако,жизнь” хаһыакка 2024 сыл бастакы аҥаарыгар “Арассыыйа почтата” бары салааларыгар, почта саайтынан уонна куар-куодунан сурутуохха сөп.
БОЛҔОЙУҤ!
Хас биирдии киһи этэ-сиинэ тус-туһунан. Онон биир киһиэхэ көмөлөспүт хайаан да барыларыгар сөп түбэспэт буолуон сөп, ону ааһан, төттөрүтүн, мөлтөтүө даҕаны. Онон бу ыстатыйаҕа ыйыллыбыт сүбэлэри туһаныах иннинэ, хайаан даҕаны эмтиир бырааскытын кытары сүбэлэһиҥ! Хас да исписэлиистэн сүбэлэтэр өссө ордук.
