Суол тутааччылар “Халыма” трассатын чөлүгэр түһэрэр үлэни ыытан саҕалаатылар. Маны таһынан, кинилэр трассаҕа баар 5 күргэни өрөмүөннүөхтэрэ. Бу туһунан Росавтодор иһитиннэрэр.
“2018 сылга суолу оҥорооччулар “Халыма” трассатын 80 км суолун өрөмүөннүөхтэрэ – 37 км Саха сиригэр, оттон 43,6 км – Магадаан уобалаһыгар. Саха сиригэр өссө 20 км суолу хапытаалынай өрөмүөн чэрчитинэн бэрээдэктиэхтэрэ (үс учаастагы – 135 км-142 км, 142 км-149 км, 163 км-170 км)”, - диэн иһитиннэрэллэр.
1494-с км (Ценный), 1497-с км (Последний) үрэхтэргэ күргэлэри чөлүгэр түһэриэхтэрэ, итиэннэ Буруустаах (1103 км), Дьэбин (1471 км) уонна Веселая (1761 км) үрэхтэргэ муосталары өрөмүөннүөхтэрэ. Маны таһынан трассаҕа уу турбаларын өрөмүөннүөхтэрэ.
