Дьиҥинэн, ол улахан сонун буолбатах, ДьУоХХ (ЖКХ) өҥөтө тохтобокко ыарыы турбута күтүр өр буолла.
Атырдьах ыйын 3 күнүгэр В.Путин НДС нолуогун 18-тан 20 %-ҥа диэри үрдэтэр туһунан сокуоҥҥа илии баттаабыта. “Ол түмүгэр бүддьүөккэ сылга 620 млрд солк. эбии киириэ” диэн буолбута.
ДьУоХХ тарыыба үрдүүрэ НДС улааппытын кытта быһаччы ситимнээх. Тарыып 2019 сылга икки түһүмэҕинэн, “дьону соһуппат курдук” барыахтаах. Бастаан, тохсунньу 1 күнүттэн, онтон от ыйын 1 күнүттэн... Түмүгэр, мунньан-тараан, ДьУоХХ өҥөтүн төлөбүрэ “2 % үрдүөхтээх” диэн. Чэ, ол тугу былааннаабыттарын уонна онтон төһө бырыһыана туолуоҕун биһиги билбэппит. “Сыана мынаарда барбат ини” диэн эрэнэргэ эрэ тиийэбит.
