РФ бэрэсидьиэнин ыйааҕынан, кэлэр үс сыл иһигэр Саха сирин 100-2000 киһилээх нэһилиэктэригэр ФАПтары уонна быраас амбулаторияларын арыйыахха наада.
Ол туһунан Ил Дархан Егор Борисов толоруулаах былаас 2017 с. түмүгүнэн отчуотугар эттэ.“Дьоҕус, кырыы нэһилиэктэргэ тиийэ мэдиссиинэ таһымын үрдэтиэхтээхпит. Аҕыйах нэһилиэнньэлээх дьоҕус бөһүөлэктэргэ (100-тэн аҕыйах нэһилиэнньэлээх) суһал мэдиссиинэ комплекстара тэриллиэхтээхтэр”, — диэн Ил Дархан эрэннэрдэ.
