Саха сирин бүддьүөтүн дохуота ааспыт сылга 177,2 млрд солк. тэҥнэспит. Ол иһигэр нолуок дохуота 87,7 млрд солк, нолуоктан киирбэт дохуот – 24,2 млрд солк., төлөбүрэ суох киирии дохуота – 65,1 млрд солк. Бу туһунан бүгүн бырабыыталыстыба мунньаҕар үп миниистирэ Валерий Жондоров иһитиннэрдэ.
“Ааспыт сылга Саха сирин судаарыстыбаннай бүддьүөтүн дохуоттаах чааһыгар 177,2 млрд солк. үп киирбитэ, ити биир сыллааҕы сылыктааһын 94,5% ”, - диэтэ тойон Жондоров.
2016 сыллааҕыга холоотоххо, бүддьүөт ороскуота 2 % улааппыт (3,7 млрд солк.). Бүддьүөт туолуутун түмүгмнэн, дефицит 9,8 млрд солк. тэҥнэспит.
