Истиҥ эҕэрдэ
Уххан убайбытыгар эҕэрдэ!
- Подробности
- 2809
Сүһүөхтээх бэйэбит сүгүрүйэн, хоолдьуктаах бэйэбит хоҥкуйан туран, Эйигин 65 сааскын томточчу туолбуккунан ис сүрэхпититтэн эҕэрдэлиибит!
Эн Саха сиригэр ырыа-хоһоон, суруналыыстыка, саха бэчээтэ сайдарыгар, саха омугун уйулҕата уһуктарыгар, кэскилэ кэҥииригэр дьонтон эрэ ойуччу турар, үгүстэртэн эрэ үрдээн көстөр ураты суолталаах үлэни-хамнаһы ыыта сылдьаргыттан киэн туттабыт, махтанабыт. Эн норуотуҥ туһугар ис сүрэххиттэн ыалдьан, кимиилээхтик киирсэн үгүһү оҥороргунан холобур эрэ буолаҕын.
Ытыктабыллаах Иван Николаевич!
65 сааскын бэлиэтиир өрөгөйдөөх күҥҥэр Эйиэхэ байылыат олоҕу, чугас дьоҥҥор уонна тус бэйэҕэр чиҥ уонна чөл туругу, ыра санааҥ ыпсан иһэригэр, баҕа санааҥ туола турарыгар ис сүрэхпититтэн баҕарабыт! Эн курдук хараҕар уоттаах, сүрэҕэр төлөннөөх, айар куттаах киһини кытары бииргэ үлэлиирбитинэн, күннэтэ алтыһарбытынан киэн туттабыт!