Киир

Киир

Истиҥ эҕэрдэ

Үбүлүөйгүнэн эҕэрдэ!

Ытыктабыллаах Мария Николаевна!

Өрөгөйдөөх үбүлүөйгүнэн ис сүрэхтэн эҕэрдэлиибит! Дьылҕаҥ уһун суолланан, тупсан, үтүө дьыалаларгынан киэркэйдин! Тулалыыр эйгэҥ оһуорданан күннээҕи кэрдииһиҥ симэннин! Дууһаҥ туоххаһыйбатын, сүрэҕиҥ хомоҋботун, санааҥ сарыаллыы сырдаатын, саһарҕалыы үтүөнү аҕаллын!

Ыра санааҥ ыксалаһан туоллун, барыта табыллан баар буоллун, эн дьулууруҥ дьону үлэҕэ көҕүлээтин! Чэгиэн-чэбдик буол салайааччыбыт, эйэҕэс майгылаах сүбэһиппит, үйэҥ тухары дьоллоох олохтон, барытыгар үрдүк ситиһиилэн. Маннык истиҥник эҕэрдэлээн туран алгыс тылбытын аныыбыт...

Уйгу-быйаҥ улаатан,
Уруйданнын олоҕуҥ!
Ыра санааҥ ыксаластын,
Туругурдун торумуҥ!
Барыҥ барыта табылыннын
Тубустун тус суолуҥ!
Үтүөнү оҥорбутуҥ
Үс бүк эргиллэн,
Үс кутуҥ бөҕө буоллун:
Ийэ кутуҥ илгэлэннин,
Салгын кутуҥ алҕаннын,
Буор кутуҥ буҕатыйдын!
Сүргэҥ көтөҕүлүннүн,
Санаабытыҥ сатаннын,
Оҥорбутуҥ суолланнын,
Толкуйдаабытыҥ туоллун,
Үөрүү үксүү өрөгөйдөөтүн,
Дьол-соргу тосхойдун!
Киһи буолан килбигий,
Саха буолан сандаар,
Урааҥхай буолан туругур!
Үлэһит бастыҥа
Үтүө аатыҥ
Үйэлэннин!
 
«Ситим» медиа-бөлөх кэлэктиибэ

Санааҕын суруй

Истиҥ эҕэрдэ

  • 70 сааскынан истиҥ эҕэрдэ!

    Күндү кэллиэгэбитин, ытыктыыр доҕорбутун Владимир Николаевич Федоровы 70 сааскын томточчу туолбуккунан ис сүрэхпититтэн эҕэрдэлиибит!
    Эҕэрдэни кытары "Ситим" медиа бөлөх, "Кыым", "Күрүлгэн эрэдээксийэлэрэ"
  • Истиҥ эҕэрдэбитин этэбит

    Ытыктыыр киһибитин Анатолий Никитич Осиповы 80 сааскынан сүһүөхтээх бэйэбит сүгүрүйэн туран эҕэрдэлиибит!
    Эҕэрдэни кытары кытары оҕолоруҥ, кийииттэриҥ, күтүөтүҥ, сиэннэриҥ, хос сиэниҥ, аймахтарыҥ, чугас дьонуҥ!
  • Эҕэрдэ бастыҥын аныыбыт

    Таптыыр эдьиийбитин Маргарита Ильиничнаны 65 сааскынан эҕэрдэлиибит!
    Эҕэрдэни кытары Дьокуускайтан балтыҥ дьиэ кэргэнэ
  • Үбүлүөйгүнэн!

    Күндү киһибитин Василий Степановиһы 80 сааскынан эҕэрдэлиибит!
    Илбэҥэттэн, Дьокуускайтан кэргэниҥ Тамара Алексеевна, уолаттарыҥ Алексей, Степан, кыргыттарыҥ Айта, Таня дьиэ кэргэннэрэ, сиэннэриҥ, хос сиэннэриҥ.