Ытыктабыллаах Дьокуускай куорат олохтоохторо уонна ыалдьыттара!
Бэс ыйын 14 күнүгэр, сарсыарда 9 ч., “Сатал” СОНТ түөлбэтигэр “Тыгын Дархан” уус-уран киинэ “Ыһыах” сыанатын устуутугар 3000 киһи уһуллуоҕа. Манна массовкаҕа кыттыан баҕалаахтары ыҥырабыт!
Кыттааччыларга барыларыгар анал көстүүм бэриллэр. Киинэ Хаҥаластар төрүттэрин – Тыгын Дархан туһунан кэпсиир. Манна нуучча хаһаактара аан бастаан кэлиилэрин саҕана, Саха сиригэр олорор биис уустарын сомоҕолуур, билиҥҥилии судаарыстыбаннаһы төрүттээһин курдук историческэй кэм көрдөрүллэр. Киинэни үһүс сылын Никита Аржаков режиссердаах усталлар. Манна Саха сирин киноиндустриятыгар улахан уопуттаах дьон, киинэ уонна театр биллэр-көстөр артыыстара, биирдиилээн дьон кыттыһаллар. Киинэ Саха сирин араас муннуктарыгар уһуллар, тыһыынчанан киһи массовкаҕа кытталлар. Киинэ сахалыы тылынан уһуллар уонна нуучча тылынан дубляжтаах буолуоҕа. Маны таһынан, аангылыйа уонна кытай тылларынан титрданыаҕа. Киинэ 2019 сылга тахсара былааннанар.
Кыттыһыан баҕалаахтары маннык нүөмэрдэргэ эрийэргитигэр көрдөһөллөр:
8-984-102-23-26, Вера Михайловна
8-914-230-49-46, Марина Гаврильевна
8-964-415-40-04, Прокопий Анатольевич,
8-964-418-56-27, Сардана Климентьевна.
