Суорун Омоллоон аатынан Опера уонна балет судаарыстбаннай театра 47-с театральнай сезонун түмүктүүрүгэр көрөөччүлэригэр анаан Джузеппе Верди аатырбыт “Травиата” оператын туруоруоҕа. Либреттоны Франческо Мария Пьяве Александр Дюма “Дама с камелиями” (1848 с.) арамаанынан суруйбут.
Бу аатырбыт опера аан бастаан Венеция “Ла Фениче” опера театрыгар 1853 сыллаахха кулун тутар 6 күнүгэр турбута. Онтон ыла бу тыйаатыр суон сураҕырар. Оччолорго опера сүрүн дьоруойа – ыарахан ыарыыга ылларбыт куртизанка (“түүҥҥү лыах”) буолбута дьону соһуппута.
“Травиата” аан бастаан саха сценатыгар 60-с сыллар ортолоругар турбута. Режиссер – Анна Егорова этэ. Анна Егорова бу туруорууга бэйэтэ хуорга артыыстаабыта.
Ол кэннэ, иккистээн “Травиатаны” Красноярскай режиссера, Арассыыйа норуодунай артыыһа Владимир Ефимов туруорбута. Травиата баартыйатын Альбина Борисова, Анна Дьячковская, опера сыанатын бэтэрээнэ Мария Николаева толорбуттара. Режиссер Прокопий Неустроев Жермона оруолун толорбута.
Бэс ыйын 30 күнүгэр киэһэ 17 ч. “Травиата” саҥардыллан, үс көстүүлээхтик туруоҕа.
Сүрүн баартыйаны толороллор:
Виолетта Валери –Саха сирин уонна Арассыыйа норуоднай артыыһа Альбина Борисова
Альфред –Саха сирин норуодунай артыыһа Николай Попов
Жермон –Саха сирин норуодунай артыыһа Юрий Баишев
Баартыйаларга:
СӨ Үтүөлээх артыыһа Борис Алексеев;
СӨ Үтүөлээх артыыһа Владимир Павлов; СӨ Култууратын туйгуна Владислав Киселев;
Ольга Чемпосова; норуоттар икки ардыларынааҕы күрэхтэр лауреаттара Екатерина Корякина;
Норуоттар икки ардыларынааҕы күрэх лауреата, СӨ Култууратын туйгуна Егор Колодезников
Туруорааччы-режиссер: СӨ Үтүөлээх артыыһа Прокопий Неустроев;
Туруорааччы-дирижер: Но Тэ Чол (Соҕуруу Кэриэйэ)
Дирижер: СӨ Ускуустубатын үтүөлээх деятелэ Алексей Унаров
Туруорааччы-худуоһунньук: СӨ Ускуустубатын үтүөлээх деятелэ Саргылана Иванова
Туруорааччы-балетмейстер: СӨ Үтүөлээх артыыһа Мария Сайдыкулова
Хормейстер: РФ уонна СӨ Ускуустубатын үтүөлээх деятелэ Октябрина Птицына
Билсэр төл.: 36-06-90
Билиэт сыаната: 500 солк.
Онлайн атыы: afisha.ykt.ru, tesserus.com
