Өрөспүүбүлүкэҕэ иккис төгүлүн ыытыллар «Ааҕар Саха сирэ» фестивальга “Ситим” медиа-бөлөх Иннокентий Иванов буруолуу сылдьар «Чуумпу Бүлүү: алмаас уонна харах уута» кинигэтин сүрэхтээтэ.
Кинигэ бастакы экземплярын Ил Дарханы быстах кэмҥэ солбуйааччыга, Айсен Николаевка туттардылар. Айсен Сергеевич оҕо сааһа Бүлүү өрүс биэрэгэр ааспыта. Айымньы XIX - XX үйэтээҕи хотугу кыраай дьиэ кэргэнин дьылҕатын туһунан кэпсиир. Ааптар төрөппүттэрэ Саха сиригэр алмаас хостуур бырамыысалыннас сайдарыгар улахан кылааты киллэрсибиттэрэ. Саха уус-уран литературатыгар роман-эпопея жанра сэдэх көстүү буолар диэн бэлиэтиибит.
Кинигэ 2000 ахсаанынан Новосибирскайга “Диал” кинигэ кыһатыгар бэчээттэнэн тахсыбыт. Күн-бүгүн 300 кинигэ Дьокуускайга кэллэ. Аны балаҕан ыйын саҥатыгар кинигэр сороҕото Дьокуускайга тиэллэн кэлиэҕэ. Сабыс-саҥа кинигэни Горпечать киоскаларыттан уонна Бэчээт Дьиэтин 110 хоһ.атыылаһыаххытын сөп.
