Ааспыт сыл бүтүүтэ, "Бөртөлүөт" диэн саҥа саха уус-уран киинэтэ ситиһии бөҕөлөммүтэ: «Киношок» СНГ уонна Балтия дойдуларын киинэтин аһаҕас бэстибээлигэр бастыҥ «Золотая Лоза» наҕарааданы, «Пресса бастыҥ бирииһэ», «Бастыҥ режиссёр үлэтэ» уонна «Бастыҥ эпэрээтэр үлэтэ» анал ааттары ылбыта; Арктикатааҕы норуоттар икки ардыларынааҕы «Золотой ворон» Арассыыйа Уһук Хоту сиригэр киинэ V бэстибээлигэр тэрийээччи хамыыһыйа анал бирииһигэр тиксибитэ.
Дьэ, бу киинэ кэтэһиилээх премьерата олунньу 17 күнүгэр буолуоҕа.
Киинэ ис хоһоонун кылгастык кэпсиир эбит буоллахха, эдэр ыал эһээхий оҕолорун идьэ, ыраах хоту сытар бөһүөлэккэ тиийэллэр. Бу нэһилиэнньэҕэ диэри дьон олох уустуктук айаннаан кэлэр эбит. Эмискэ, оччугуй оҕо дизентериянан ыалдьар. Кыра дэриэбинэҕэ эмп-том суох буолан биэрэр, оттон өлүү түбэлтэлээх диэбиккэ дылы, төлөпүөн лиинийэтэ алдьанан хаалбыт буолар. Аны туран, соҕотох айан суолун сааскы халаан уута суурайан кэбиспит. Онон, эдэр ыал аҕата Ваня, саньытаарынай суһал көмөнү ыҥырар туһуттан, оройуон киинигэр диэри соҕотох айаҥҥа турунар... кинини уустук суол-иис күүтэр...
Ааспыт күһүн, «Кыым» хаһыакка уонна «Кыым.ру» саайка анаан, «Бөртөлүөт» киинэ ааптара Лэгэнтэй уонна режиссёра Михаил Лукачевскай интервью биэрбиттэрэ.
Ол кэпсэтиибитин бу сигэнэн киирэн ааҕыаххытын сөп - https://kyym.ru/synnalanna/8026-vertoljot-uus-uran-kiine-aaptara-innokentij-vasilev-legentej-uonna-rezhissjora-mikhail-lukachevskaj
