Саха сирин хорсун-хоодуот уолун, Арассыыйа Дьоруойун Андрей Григорьев (Тута) туһунан, бука, билбэт киһи суоҕа буолуо.
Санатан эттэххэ, “Кыым” суруналыыһа Туйаара Сиккиэр Тута туһунан хаһыат 2025 сыл, тохсунньу 16 күнүнээҕи нүөмэригэр сиһилии суруйбута. Ону сэргэ, Kyym.ru саайтыгар эмиэ хаста да бэчээттээн турабыт. Оттон, бүгүн, атырдьах ыйын 20 күнүгэр, Андрей Григорьев-Тута илэ бэйэтинэн эрэдээксийэбитигэр киирэн кэллэ. Биллэн турар, суруналыыстар хаһыаппытын төһө сэҥээрэн ааҕарын ыйытылаһан хааллыбыт:
– Мин урут уруккуттан ааҕабын, хаһыаты да, кинигэни да сөбүлүүбүн. Оттон “Кыым” – саха бэчээтин биир тутаах таһаарыыта буоллаҕа. Онон, “Кыымы” мэлдьи ааҕабын, өйүүбүн. Сахалыы суруйуулар киһини элбэххэ үөрэтэллэр, өбүгэ мындырын тиэрдэллэр, санааны-оноону сааһылыыллар. Сахам дьоно сахалыы ааҕалларыгар, “Кыымы” суруталларыгар, сэҥээрэллэригэр баҕарабын, – диэн Андрей Николаевич олус үчүгэйдик санаатын атастаста уонна өссө да атын олоххо-дьаһахха сыһыаннаах ыйытыыларбытыгар ирэ-хоро кэпсэтэн, үөрэн-көтөн араҕыста.
Арассыыйа Дьоруойа Андрей Григорьев-Тута туһунан суруйууларбытын бу сигэлэринэн киирэн сиһилии ааҕаарыҥ:
Андрей Григорьев-Тута: “Дойдум, дьонум туһугар дьоһуннаахтык үлэлиэм-хамсыам!” https://kyym.ru/sonunnar/uopsastyba/13417-andrej-grigorev-tuta-dojdum-donum-tu-ugar-do-unnaakhtyk-leliem-khamsyam
Андрей Григорьев – Арассыыйа Дьоруойа! https://kyym.ru/sonunnar/main/13336-andrej-grigorev-arassyyja-doruoja
Бэй.кэр.
