Саха сиригэр уот куттала суох буолуутун эрэсиимэ тохтотулунна

Ойуурдарга уот куттала аҕыйаабытынан быһаарыы ылылынна

Саха сиригэр от ыйын 10 күнүттэн үлэлии турбут уот куттала суох буолуутун эрэсиимэ тохтотулунна. Бу быһаарыы ойуурдарга уот куттала аҕыйаабытынан ылылынна. Онон сибээстээн, Ил Дархан Айсен Николаев ыйаахха илии баттаата. Олохтоох салайыныы уорганнарыгар муниципальнай тэриллиилэр сирдэригэр олохтоммут уот куттала суох буолуутун эбии ирдэбиллэрин тохтоторго уонна бу туһунан олохтоохтору, тэрилтэлэри уонна үөрэх кыһаларын билиһиннэрэргэ сүбэлэннэ. Ыйаах толоруллуутун хонтуруола Саха сирин бырабыыталыстыбатын бэрэссэдээтэлин бастакы солбуйааччытын эбээһинэһин толорооччу Николай Бочковка сүктэрилиннэ.