"Якутия" авиахампаанньа өрөспүүбүлүкэ иһинээҕи рейстэргэ билиэт атыытын сөргүттэ

Bombardier Dash Q300 үлэтигэр тахсыбытынан сибээстээн "Якутия" авиахампаанньа билиэт атыытын арыйда.

"Якутия" авиахампаанньата алтынньы 6 күнүттэн 24 күнүгэр диэри өрөспүүбүлүкэ иһинээҕи рейстэргэ авиабилиэт атыытын сөргүттэ. Бу туһунан перевозчик пресс-сулууспата иһитиннэрдэ. Атыы Bombardier Dash Q300 салгын аалын үлэҕэ бэлэм буолбутунан сибээстээн аһылынна. Техническэй көрүү түмүктэннэ, борт үлэҕэ бэлэм. Билиэттэр авиакассаларга уонна авиахампаанньа официальнай сайтын нөҥүө көҥүл атыыга бааллар. Субсидияламмыт авиабилиэттэри эмиэ сөптөөх маршруттарга атыылаһыахха сөп.