Кыым — 
Тымныы көтөр көһүүтүн сүрүн төрүөтэ буолбатах, диэтэ ветеринарнай билим дуоктара.
Тымныы көтөрдөр көһүүлэрин сүрүн төрүөтэ буолбатах — соҕуруу барарга кинилэри аһылык баазатын аҕыйааһына күһэйэр. Бу туһунан РИА Новости Росбиотех университетын прикладной уонна фундаментальнай ветеринарнай медицинатын кафедратын бэрэпиэссэрэ, ветеринарнай билим дуоктара Андрей Руденкоҕа сигэнэн иһитиннэрэр.
Кини этэринэн, көһүү сүрүн төрүөтэ — олох усулуобуйата мөлтөөһүнэ, бастатан туран аһылык баазатын аҕыйааһына. Көтөргө этин сылааһын-тымныытын тутарга сөптөөх энергияны ылара суолталаах.
Руденко бэлиэтээбитинэн, сорох көрүҥнэр тымныыны аһылык баар буоллаҕына этэҥҥэ туорууллар, оттон наһаа тымныы буолбатах да буоллар, сөптөөх аһылык суоҕа быыһаабат. Холобурдаан эттэ: үөнү-көйүүрү тутар көтөрдөргө кыра “плюс” халлаан сылааһа-тымныыта да буоллун кыһын хаалара ыарахан — наадалаах аһылык син биир суох буолуон сөп.
